Foto: lada.kz
Aqtaýda tolassyz jaýǵan jańbyr saldarynan birneshe kóshe men aýdandy sý basty. Qala turǵyndary qolaisyz aýa raiy saldaryn videoǵa túsirip aldy, - dep habarlaidy Tengrinews.kz tilshisi "Lada" basylymyna silteme jasap.
28 shildege qaraǵan túni qalada nóser bastaldy.
Tolassyz jaýǵan jaýynnan qaladaǵy bazarlardyń birin sý basqan. Jańbyrdyń kesirinen "Sary" bazardaǵy saýda pavilondary boiynda "sý arnasy" paida bolǵan. Sý tasqyny saldaryn halyq óz kúshimen joiyp jatyr.
Sondai-aq, aýa raiynyń qolaisyzdyǵynan 5-shaǵynaýdanda aǵash qulap, elektr qýaty úzilgen. 14-yqshamaýdan turǵyndary jaryqsyz qaldyq dep shaǵymdanyp jatyr.
Qala ákimdigi kommýnaldyq qyzmet kúsheitilgen rejimde jumys istep jatqanyn habarlady. Olar túni boiy jańbyrdyń saldaryn joiýǵa kúsh salyp jatyr.
"Qazgidromet" RMK ókili bergen málimet boiynsha, Aqtaýda bir táýlikte bir ailyq jaýyn-shashyn túsken.
"Mańǵystaý oblysynyń batys jartysynda 28 shildege qaraǵan túni 1-13 millimetr jańbyr jaýdy, bir aidaǵy norma - 10-13 millimetr. Aqtaýda 13 millimetr jaýyn jaýdy, norma 10 millimetr", - dedi sinoptikter.
