Tutynýshylardyń quqyqtaryn qorǵaý komiteti toqtatylǵan reister boiynsha tutynýshylarǵa 55,2 mln teńgeni qaitarýǵa kómektesti, dep habarlaidy "Ult aqparat" Saýda jáne integratsiia ministrliginiń baspasóz qyzmetine silteme jasap.
Komitetke barlyǵy 409 tutynýshy ótinish bergen, jalpy somasy 55,2 mln teńgege 847 bilet satyp alynǵan. 847 bilettiń 280-i halyqaralyq áýe reisterine satyp alynǵan, qalǵan biletter ishki reisterge tiesili.
Eń tanymal halyqaralyq baǵyttar: Frankfýrt, London, Deli, Dýbai, Antalia, Praga, Ystanbul, Tegeran, Tokio, Seýl, Bangkok, Las-Vegas, Krasnodar, Máskeý, Sochi, Sankt-Peterbýrg, Novosibirsk, Batými, Tbilisi, Astrahan, Kiev, Ekaterinbýrg, Dýshanbe, Bishkek.
Komitettiń málimetinshe, toqtatylǵan áýe reisteriniń biletiniń qunyn qaitarý jóninde ótinish bildirgenderdiń jartysynan kóbine qarajat qaitarylǵan. Osy baǵytta bailanysty jumystar jalǵasýda, TQQK-ke júgingen árbir quqyǵy buzylǵan tutynýshyǵa járdem kórsetedi.
Esterińizge sala keteiik, Tutynýshylardyń quqyqtaryn qorǵaý komiteti «Bek Eir» AQ-na qatysty 3-shi talap aryz Almaty qalasy Túrksib aýdandyq sotynyń qaraýynda jatyr. 212 bilet satyp alǵan 108 azamat jalpy somasy 7,6 mln teńgesin qaitarýdy talap etken. Alǵashqy sot otyrysy 11 qyrkúiekte ótti. Kelesi sot otyrysy 29 qyrkúiekke belgilengen.
Sonymen qatar, 18 qyrkúiekte Almaty qalalyq sotynda azamattyq ister boiynsha apelliatsiialyq sot alqasynda komitettiń birinshi talap aryzy boiynsha 17 maýsymdaǵy «Bek Eir» AQ apeliatsiialyq shaǵymy jónindegi sottyń sheshimine qatysty birinshi otyrysy ótedi.
Sondai aq, «Bek Eir» AQ komitettiń ekinshi talap aryzy boiynsha Almaty qalasy Túrksib aýdandyq sotynyń 24 shildedegi sheshimine qatysty appeliatsiialyq shaǵym berdi.
