Jazǵy Olimpiada oiyndarynyń astanasy – Tokioǵa qýatty taifýn kele jatyr, sonyń saldarynan esý jarysy keiinge qaldyryldy, dep habarlaidy Kyodo.
«Nepartak» taifýny seisenbide (27 shilde) Tynyq muhitynan Japoniianyń shyǵysy men soltústik-shyǵysyna jaqyndaidy. Olimpiada oiyndary ótetin Tokiony qosa alǵanda, eldiń birqatar aimaqtarynda taifýn soǵýy múmkin, dep habarlady jeksenbide Japoniianyń ulttyq meteorologiialyq agenttigi.
Agenttiktiń málimetinshe, jeksenbi kúni tústen keiin Nepartak taifýny soltústikke saǵatyna 15 shaqyrym jyldamdyqpen, Tokiodan ońtústik-shyǵysqa qarai 1 800 km jyldamdyqpen qozǵalady. Taifýnnyń ortasyndaǵy atmosferalyq qysym 994 gektopaskaldy qurady, al jeldiń jyldamdyǵy saǵatyna 108 shaqyrymǵa jetti. Taifýn Japoniia astanasyna biiktigi úsh qabatty úidei tolqyndar men nóser jaýyn ákelýi múmkin.
Taifýn saldarynan týyndaityn oqys oqiǵalardy boldyrmaý úshin Olimpiada oiyndaryndaǵy akademiialyq esý keiinge qaldyryldy.
Seisenbide jel saǵatyna 126 shaqyrymǵa deiin soǵýy múmkin, al Tokiony qosa alǵanda, Kanto-Koshin aimaǵynda seisenbi kúni tańerteń 24 saǵat ishinde 150 millimetrge deiin jańbyr jaýady dep kútilýde.
