Japoniia biligi Tokio qalasyndaǵy jazǵy Olimpiada oiyndaryn sheteldik kórermensiz ótkizý sheshimin qabyldady, dep habarlaidy Kyodo News aqparat agenttigi.
Agenttik málimeti boiynsha, Tokioda 2021 jyldyń jazynda ótetin Olimpiada jáne Paralimpiada oiyndaryna shet memleketterden kórermen kirgizilmeidi. Japoniia biligi bul sheshimdi koronavirýstyń taralý qaýpine bailanysty qabyldap otyr.
«Úkimet japon qoǵamynyń alańdaýshylyǵy men kóptegen elderde indettiń budan da juqpaly nusqalarynyń anyqtalý faktisin esepke ala otyryp, shetelden jankúierlerdi qabyldaý múmkin emes dep sheshti», - dep jazady agenttik.
Eske sala ketsek, Tokioda jazǵy Olimpiada oiyndary 23 shilde men 8 tamyz aralyǵynda, al Paralimpiada oiyndary 24 tamyz ben 5 qyrkúiek aralyǵynda ótedi.
