Otandyq rejisser ári stsenarist Emir Baiǵazinniń «Ózen» filmi 25 qazan men 3 qarasha aralyǵynda Tokioda ótetin 31-shi halyqaralyq kinofestivaldiń negizgi baiqaýyna qatysady, dep habarlaidy "Ult aqparat".
«Qazaqfilm» kinostýdiiasynyń habarlaýynsha, Festivaldiń negizgi baiqaýyna 109 elden 1,8 myńnan astam film kelip túsken. Nátijesinde, negizgi baiqaýǵa otandyq «Ózen» filminen basqa, Eýropa, Aziia jáne Afrika rejisserleri túsirgen 15 film iriktelinip alyndy. Festivaldiń ashylý saltanatynda Bredli Kýperdyń rejisserlik debiýti - «Juldyz týyldy» miýzikli kórsetiletin bolady.
Atalǵan halyqaralyq kinofestivaldiń qazylar alqasynyń quramyna rejisser Briliante Mendosa, prodiýser Braian Berk, aktrisalar - Tarane Alidosti jáne Kaho Minami, rejisser ári prodiýser Stenli Kvan kirdi.
«Emir Baiǵazin - Qazaqstan atynan usynylyp otyrǵan «Ózen» filminiń rejisseri. Bul film erekshe túsirilgen. Emir Baiǵazin - osy esimdi esten shyǵarmańyzdar», - dedi festivaldiń direktory Iosi Iatabe filmniń tanystyrylymynda.
«Ózen» filminiń álemdik tusaýkeseri Venetsiia kinofestivali sheńberinde ótken bolatyn. Bul festivaldiń «Kókjiekter» baǵdarlamasynda Emir Baiǵazin úzdik rejisser atandy. Al filmniń Soltústik Amerikadaǵy tusaýkeseri qyrkúiek aiynda Halyqaralyq Toronto kinofestivali aiasynda ótti. Kinotýyndy festivaldiń «Tuǵyrnama» («Platforma») konkýrstyq baǵdarlamasynda kórsetilip, qazylar alqasynyń qurmetti atalymyna jáne Screen Daily táýelsiz kinosynshylardyń reitingisi tiziminde aldyńǵy qatardan kórindi. Odan bólek, «Ózen» filmi úshin Emir Baiǵazin Gollivýdtyń shetel baspasózi qaýymdastyǵynyń grantyna ie boldy.
«Ózen» filmi órkenietten alys jerde turatyn, qaladan kelgen qonaqtan keiin ómirleri kúrt ózgere bastaǵan bes aǵaiyndy týraly baiandaidy. Aslan týraly trilogiianyń aldyńǵy eki bólimi 2013 jáne 2016 jyldary Berlin kinofestivaliniń negizgi baǵdarlamasyna qatysqan bolatyn. «Aslannyń sabaqtary» filmi «Kúmis aiý» jáne Morgenpost nemis gazetiniń júldesimen marapatalǵan.
