وتاندىق رەجيسسەر ەرٸ ستسەناريست ەمير بايعازيننٸڭ «ٶزەن» فيلمٸ 25 قازان مەن 3 قاراشا ارالىعىندا توكيودا ٶتەتٸن 31-شٸ حالىقارالىق كينوفەستيۆالدٸڭ نەگٸزگٸ بايقاۋىنا قاتىسادى, دەپ حابارلايدى "ۇلت اقپارات".
«قازاقفيلم» كينوستۋديياسىنىڭ حابارلاۋىنشا, فەستيۆالدٸڭ نەگٸزگٸ بايقاۋىنا 109 ەلدەن 1,8 مىڭنان استام فيلم كەلٸپ تٷسكەن. نەتيجەسٸندە, نەگٸزگٸ بايقاۋعا وتاندىق «ٶزەن» فيلمٸنەن باسقا, ەۋروپا, ازييا جەنە افريكا رەجيسسەرلەرٸ تٷسٸرگەن 15 فيلم ٸرٸكتەلٸنٸپ الىندى. فەستيۆالدٸڭ اشىلۋ سالتاناتىندا برەدلي كۋپەردىڭ رەجيسسەرلٸك دەبيۋتٸ - «جۇلدىز تۋىلدى» ميۋزيكلٸ كٶرسەتٸلەتٸن بولادى.
اتالعان حالىقارالىق كينوفەستيۆالدٸڭ قازىلار القاسىنىڭ قۇرامىنا رەجيسسەر بريليانتە مەندوسا, پروديۋسەر برايان بەرك, اكتريسالار - تارانە اليدوستي جەنە كاحو مينامي, رەجيسسەر ەرٸ پروديۋسەر ستەنلي كۆان كٸردٸ.
«ەمير بايعازين - قازاقستان اتىنان ۇسىنىلىپ وتىرعان «ٶزەن» فيلمٸنٸڭ رەجيسسەرٸ. بۇل فيلم ەرەكشە تٷسٸرٸلگەن. ەمير بايعازين - وسى ەسٸمدٸ ەستەن شىعارماڭىزدار», - دەدٸ فەستيۆالدٸڭ ديرەكتورى يوسي ياتابە فيلمنٸڭ تانىستىرىلىمىندا.
«ٶزەن» فيلمٸنٸڭ ەلەمدٸك تۇساۋكەسەرٸ ۆەنەتسييا كينوفەستيۆالٸ شەڭبەرٸندە ٶتكەن بولاتىن. بۇل فەستيۆالدٸڭ «كٶكجيەكتەر» باعدارلاماسىندا ەمير بايعازين ٷزدٸك رەجيسسەر اتاندى. ال فيلمنٸڭ سولتٷستٸك امەريكاداعى تۇساۋكەسەرٸ قىركٷيەك ايىندا حالىقارالىق تورونتو كينوفەستيۆالٸ اياسىندا ٶتتٸ. كينوتۋىندى فەستيۆالدٸڭ «تۇعىرناما» («پلاتفورما») كونكۋرستىق باعدارلاماسىندا كٶرسەتٸلٸپ, قازىلار القاسىنىڭ قۇرمەتتٸ اتالىمىنا جەنە Screen Daily تەۋەلسٸز كينوسىنشىلاردىڭ رەيتينگٸسٸ تٸزٸمٸندە الدىڭعى قاتاردان كٶرٸندٸ. ودان بٶلەك, «ٶزەن» فيلمٸ ٷشٸن ەمير بايعازين گولليۆۋدتىڭ شەتەل باسپاسٶزٸ قاۋىمداستىعىنىڭ گرانتىنا يە بولدى.
«ٶزەن» فيلمٸ ٶركەنيەتتەن الىس جەردە تۇراتىن, قالادان كەلگەن قوناقتان كەيٸن ٶمٸرلەرٸ كٷرت ٶزگەرە باستاعان بەس اعايىندى تۋرالى باياندايدى. اسلان تۋرالى تريلوگييانىڭ الدىڭعى ەكٸ بٶلٸمٸ 2013 جەنە 2016 جىلدارى بەرلين كينوفەستيۆالٸنٸڭ نەگٸزگٸ باعدارلاماسىنا قاتىسقان بولاتىن. «اسلاننىڭ ساباقتارى» فيلمٸ «كٷمٸس ايۋ» جەنە Morgenpost نەمٸس گازەتٸنٸڭ جٷلدەسٸمەن ماراپاتالعان.
