Tokioda 11-12 tamyzda kún ótip, kem degende 14 adam kóz jumdy, dep habarlaidy NHK telearnasy.
Qaza tapqandardyń toǵyzy 80 jastan asqan egde jandar. Tamyz aiynyń ishinde aptap ystyqtan japon astanasynyń 26 turǵyny mert boldy.
13 tamyzda TJM fýnktsiialaryn oryndaityn Japoniianyń Bas órt sóndirý basqarmasy 3 tamyzdan bastap 9 tamyzǵa deiingi aralyqta aptap ystyq saldarynan on adamnyń mert bolǵanyn jáne 6,6 myń adamnyń zardap shekkenin habarlaǵan bolatyn.
Biylǵy jazǵy maýsymda osy apta asa ystyq boldy. Keibir aýdandarda termometr baǵany 38 gradýstan asyp jyǵyldy. Al ortalyq Gýmma prefektýrasynda 11 tamyz kúni aýa 40,1 gradýsqa deiin qyzdy.
Aita keter jait, Japoniiada ádette eń ystyq kezeń shilde – maýsym ailaryna týra keletin. Degenmen sońǵy eki jyl qatarynan shildede bultty ári jańbyrly kúnder kóp boldy.
Al ótken jyly búkil el aýmaǵynda aptap ystyqtan 126 adam qaitys bolyp, 70 myńnan astamy zardap shekken edi.
