Mádeniet jáne sport ministri Aqtoty Raiymqulova Tokiodaǵy Olimpiada oiyndarynda jeńimpaz atanatyn sportshylardy qandai syiaqy kútip turǵanyn aitty, dep habarlaidy "Ult aqparat".
Ortalyq kommýnikatsiialar qyzmetinde ótip jatqan brifingide Mádeniet jáne sport ministri Olimpiada júldegerleri men bapkerlerin yntalandyrý erejesi qalai iske asatynyn eske saldy.
«Bul jolǵy Olimpiada jeńiske etken sportshylarǵa, olardyń ustazdaryna, bapkerlerine arnalǵan árbir sport túri boiynsha syiaqy berý týraly erejeler qabyldanǵan bolatyn. Ózderińiz bilesizder, osy qujat boiynsha birinshi oryn alǵan sportshy men bapker úshin 250 myń dollardan beriledi. Sonyń ishinde bapkerlerdiń tólemaqysynan 10 paiyzy sportshyny eń birinshi tapqan bapkerge beriledi. 80 paiyzy sportshyny daiyndaǵan bapkerge beriledi. Qalǵan 10 paiyzy osy 150 myń dollardan, osy sport túrinen bas bapkerge tólenedi», - dedi ministr.
Vedomstvo basshysy bul jerde Olimpiada medali naqty adal jolmen alynǵany mańyzdy ekenin atady. «Ekinshi orynǵa 150 myń dollar, úshinshi oryn 75 myń dollar bolyp azaia beredi. Árine, ózińiz aitqandai, eń aldymen sport jetistiginiń naqty ekeni dáleldengen kezde bul syiaqy telenedi. Zańdy túrde osylai negizdelgen», - dedi ministr.
