Mádeniet jáne sport ministri Aqtoty Raiymqulova Tokio Olimpiadasyna Qazaqstan atynan qansha legioner qatysatynyn málim etti, dep habarlaidy "Ult aqparat".
«Qazaqstan Respýblikasynyń Olimpiada quramasynyń quramynda buryndary ózge elderden tartylǵan 14 adam bar. Qazir olar – Qazaqstan Respýblikasynyń azamattary. Halyqaralyq ereje sondai. Eger basqa eldiń azamaty ulttyq quramaǵa alynsa, mindetti túrde sol eldiń azamattyǵyn alýy kerek. Atalǵan 14 adamnyń bári kópten beri Qazaqstanda ómir súrip jatyr jáne bizdiń bapkerlerdiń qol astynda jattyǵyp júrgenin aitqym keledi. Sondyqtan olardyń búkil jetistikteri qazaqstandyq bapkerlermen birge jatyǵyp, shyńdalǵandarynyń arqasy dep túsiný kerek. Olardyń jetistikterge jetýine bizdiń qazaqstandyq bapkerler men mamandardyń qosqan úlesin eshkim joqqa shyǵara almaidy», - dedi Raiymqulova ortalyq kommýnikatsiialar qyzmetinde ótken brifingide.
