Japoniia astanasyndaǵy VI Paralimpiada oiyndarynyń saltanatty ashylý rásimi aiaqtaldy, dep habarlaidy QazAqparat.
Aita ketsek, alǵashqy Paralimpiada oiyndary 1960 jyly Italiianyń astanasy Rimde ótti. Oiyndar 18 qyrkúiekte «AkvaAtsetos» stadionynda ashyldy.
Qazaqstandyq sportshylar 1996 jyldan beri Jazǵy Paralimpiada oiyndaryna qatysyp keledi.
Buǵan deiin Qazaqstan quramasy sapynan eki sportshy júldege qol jetkizdi. 2016 jyly Braziliianyń Rio-de-Janeiro qalasynda Zýlfiia Gabidýllina erkin mánerde 100 metrge sýǵa júzýden chempion atandy. Sol joly taǵy bir qazaqstandyq Raýshan Qoishybaeva paýerliftingten áielder arasynda 67 kelide kúmis júldeger atandy.
Dúbirli doda 24 tamyz jáne 5 qyrkúiek aralyǵynda ótkiziledi. Atalǵan jarysta elimizdiń atynan barǵan 26 sportshy sporttyń 7 túrinen synǵa túsedi.
Aita keterligi, biylǵy Paralimpiada oiyndaryna Býtan, Grenada, Maldivy, Paragvai, Sent-Vinsent jáne Grenadina sekildi memleket sportshylary tuńǵysh ret qatysyp otyr.
Alǵashqyda atalǵan dodaǵa álemniń 183 elinen sportshylar qatysýy josparlanǵan edi. Koronavirýs infektsiiasyna juqtyryp alý qaýpine bailanysty olardyń 20-y Tokioǵa kelýden bas tartty.
