Qazaqstandyq aýyr atletter Zýlfiia Chinshanlo men Igor Son memleketten berilgen syiaqysyn qaiyrymdylyqqa aýdarady. Bul týraly Aýyr atletika federatsiiasy málim etti, - dep habarlaidy Tengrinews Vesti.kz basylymyna silteme jasap.
Úshinshi oryn ielengen eki sportshy 75 myń dollardan alýy kerek.
"Barshańyzǵa, federatsiiaǵa, Janat Rashidovichke, UOK, memleketimizge qoldaý kórsetkeni jáne quttyqtaǵany úshin alǵys aitqym keledi. Jarys alańyna shyqqanda ózińdi qalai jeńýge bolatynyn, barynsha jaqsy óner kórsetý týraly ǵana oilaisyń. Sol sátte marapattar týraly oilamaisyz. Sondyqtan biz qaityp kelgende bizdi osylai qurmettegenine eki ese qýanyshtymyn!
Olimpiadalyq quramadaǵy aǵalarymyz óz júldelerin qaiyrymdylyqqa berip, jaqsy úlgi kórsetti. Bizdi - Olimpiada júldegerlerin memleket, Federatsiia, óńir jaqsy qoldaidy. Bul - keremet! Biraq, biz erekshe muqtaj adamdar bar ekenin umytpaýymyz kerek. Sondyqtan men de Aýyr atletika federatsiiasynyń qoldaýymen óz júldelerimdi igi maqsattarǵa jumsaimyn", - dedi Chinshanlo.
