Japoniia úkimeti Tokio qalasynda ótetin Olimpiada jáne Paralimpiadaǵy sheteldik delegatsiialardyń sanyn bastapqydaǵy josparmen salystyrǵanda eki eseden artyq qysqartýǵa nietti. Endi jarystarǵa qatysatyn delegatsiialardaǵy adamdar sany sportshylardy sanamaǵanda 78 myńdy quraidy. Bul týraly Kyodo agenttigi habarlady.
Byltyr Oiyndardyń ýaqytyn ózgertý týraly sheshim qabyldanǵanǵa deiin buǵan qatysatyn delegatsiialardaǵy adamdar sany 180 myń bolatyny shamalanǵan.
Keshe agenttik, sondai-aq Japoniia úkimeti Tokio Olimpiadasynda sheteldik kóshbasshylar men ministrlerdiń óz elderiniń sportshylarymen kezdesýge tyiym salýdy kózdep otyrǵandyǵyn málimdedi. Bul sharalar koronavirýs taralýynyń aldyn alý maqsatynda engiziledi. Budan bólek, Oiyndardyń uiymdastyrýshylary eger jarysqa qatysýshy eldiń prezidenti kelse, resmi delegatsiialardyń sanyn 12 adamǵa deiin, al ministri keletin bolsa, onymen birge júretinderdi bes adamǵa deiin qysqartpaq.
Sheteldik memleket basshylyǵynyń ókilderine Japoniiada maksimaldy túrde az ýaqyt bolý, qoǵamdyq kólikti paidalanbaý jáne Tokio qalasynyń syrtyna shyqpaý eskertiletin bolady.
