2020 jyly Tokio Olimpiadasynda Qazaqstan sportshylary kemi 10 medal jeńip alýy múmkin. Bul týraly sport jáne dene shynyqtyrý isteri komitetiniń tóraǵasy Serik Sápiev aitty.
«Olimpiadaǵa daiyndyq júieli túrde júrip jatyr. Oqý-jattyǵý jiyndary qaida ótetini tolyq anyqtaldy. Olimpiada oiyndary 2020 jyldyń 24 shildesi men 9 tamyzy aralyǵynda ótedi. Qazir alty sport túrinen 10 litsenziia bar. Qurama komandalardy daiyndaýǵa ulttyq Olimpiada komiteti jaýapty. Josparlanǵan litsenziialyq jarystar bar. Endigide kóp joldama alýǵa tyrysamyz», – deidi sport jáne dene shynyqtyrý isteri komitetiniń tóraǵasy Serik Sápiev.
Osy ýaqytqa deiin Qazaqstan Olimpiada oiyndaryna 10 joldama jeńip alǵan bolatyn. Olardyń arasynda jeńil atletter – Georgii Sheiko, Olga Rypakova, veloshosse – Evgenii Gidich, júzýden – Dmitrii Balandin, Vitalii Hýdiakov, sadaq atýdan – Sanjar Musaev, Denis Gankin jáne Ilfat Abdýllin.
Brifingte tilshiler Olimpiada chempiony ári komitet tóraǵasynan aldaǵy Tokio Olimpiadasynan qansha júlde kútetinin surady.
«Osydan 3 jyl burynǵy Rio-de-Janeiro Olimpiadasynan kem túspeýdi kózdeimiz. Sol kórsetkishten tómen túspei, shama kelse asyp túsý kerek. Menińshe, Tokio Olimpiadasynda 10 medaldan kóp alamyz dep oilaimyn. Onyń ishinde kemi úsheýi altyn bolýy tiis. Ásirese, qurama kóshbasshylary Dmitrii Balandin, Eldos Smetov, Olga Rypakova sekildi resmi jarystarda júlde salyp júrgen sportshylarǵa asa qatty senim artamyz», - deidi Sápiev.
Eske salar bolsaq, Qazaqstan quramasy Rio-de-Janeiroda ótken XXHI Olimpiada oiyndarynda 3 altyn, 5 kúmis jáne 9 qola medal ielengen bolatyn. Qazirgi ýaqytta jeńil atletikadan Georgii Sheiko men Olga Rypakovada, veloshosseden Evgenii Gidichte, júzýden Dmitrii Balandinde (ekeý), ashyq sýda júzýden Vitalii Hýdiakovta, sadaqpen atýdan Sanjar Musaevta, Denis Gankin men Rifat Abdýllinde Olimpiada oiyndarynyń litsenziiasy bar.
