2020 جىلى توكيو وليمپياداسىندا قازاقستان سپورتشىلارى كەمٸ 10 مەدال جەڭٸپ الۋى مٷمكٸن. بۇل تۋرالى سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ ايتتى.
«وليمپياداعا دايىندىق جٷيەلٸ تٷردە جٷرٸپ جاتىر. وقۋ-جاتتىعۋ جيىندارى قايدا ٶتەتٸنٸ تولىق انىقتالدى. وليمپيادا ويىندارى 2020 جىلدىڭ 24 شٸلدەسٸ مەن 9 تامىزى ارالىعىندا ٶتەدٸ. قازٸر التى سپورت تٷرٸنەن 10 ليتسەنزييا بار. قۇراما كوماندالاردى دايىنداۋعا ۇلتتىق وليمپيادا كوميتەتٸ جاۋاپتى. جوسپارلانعان ليتسەنزييالىق جارىستار بار. ەندٸگٸدە كٶپ جولداما الۋعا تىرىسامىز», – دەيدٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ.
وسى ۋاقىتقا دەيٸن قازاقستان وليمپيادا ويىندارىنا 10 جولداما جەڭٸپ العان بولاتىن. ولاردىڭ اراسىندا جەڭٸل اتلەتتەر – گەورگيي شەيكو, ولگا رىپاكوۆا, ۆەلوشوسسە – ەۆگەنيي گيديچ, جٷزۋدەن – دميتريي بالاندين, ۆيتاليي حۋدياكوۆ, ساداق اتۋدان – سانجار مۇساەۆ, دەنيس گانكين جەنە يلفات ابدۋللين.
بريفينگتە تٸلشٸلەر وليمپيادا چەمپيونى ەرٸ كوميتەت تٶراعاسىنان الداعى توكيو وليمپياداسىنان قانشا جٷلدە كٷتەتٸنٸن سۇرادى.
«وسىدان 3 جىل بۇرىنعى ريو-دە-جانەيرو وليمپياداسىنان كەم تٷسپەۋدٸ كٶزدەيمٸز. سول كٶرسەتكٸشتەن تٶمەن تٷسپەي, شاما كەلسە اسىپ تٷسۋ كەرەك. مەنٸڭشە, توكيو وليمپياداسىندا 10 مەدالدان كٶپ الامىز دەپ ويلايمىن. ونىڭ ٸشٸندە كەمٸ ٷشەۋٸ التىن بولۋى تيٸس. ەسٸرەسە, قۇراما كٶشباسشىلارى دميتريي بالاندين, ەلدوس سمەتوۆ, ولگا رىپاكوۆا سەكٸلدٸ رەسمي جارىستاردا جٷلدە سالىپ جٷرگەن سپورتشىلارعا اسا قاتتى سەنٸم ارتامىز», - دەيدٸ سەپيەۆ.
ەسكە سالار بولساق, قازاقستان قۇراماسى ريو-دە-جانەيرودا ٶتكەن XXحI وليمپيادا ويىندارىندا 3 التىن, 5 كٷمٸس جەنە 9 قولا مەدال يەلەنگەن بولاتىن. قازٸرگٸ ۋاقىتتا جەڭٸل اتلەتيكادان گەورگيي شەيكو مەن ولگا رىپاكوۆادا, ۆەلوشوسسەدەن ەۆگەنيي گيديچتە, جٷزۋدەن دميتريي بالانديندە (ەكەۋ), اشىق سۋدا جٷزۋدەن ۆيتاليي حۋدياكوۆتا, ساداقپەن اتۋدان سانجار مۇساەۆتا, دەنيس گانكين مەن ريفات ابدۋلليندە وليمپيادا ويىندارىنىڭ ليتسەنزيياسى بار.
