2020 jyly Tokioda ótetin Olimpiada jáne Paralimpiada oiyndarynyń uiymdastyrý komiteti aldaǵy jyldyń basty sporttyq oqiǵasyna premiým sanattaǵy biletterdiń baǵasyn atady, dep habarlaidy QazAqparat Kyodo agenttigine silteme jasap.
Japoniialyq agenttiktiń málimetinshe, Tokiodaǵy jazǵy Olimpiadaǵa satylatyn premiým sanattaǵy biletterdiń eń qymbaty 6,35 mln ien (shamamen 60 myń AQSh dollary) turady. Bilet qunyna joǵary sanatty as máziri, ashylý jáne jabylý saltanatyna kirý kiredi. Uiymdastyrýshylar eń qymbat biletterdi satyp alýǵa ótinishterdi qabyldaýdy osy aidyń sońynda bastaýdy josparlap otyr. Tolyq jiyntyqtaǵy biletterdiń ieleri 11 olimpiadalyq jarysqa kire alady. Olarǵa jeńil atletikadan - final, erler arasynda 100 jáne 400 metrge estafeta jatady.
Premiým-bilettiń iegerleri meiramhanalyq qyzmet kiretin keremet laýndj-zonaǵa ornalasyp, Olimpiada oiyndaryn tamashalaityn bolady. Sondai-aq, uiymdastyrýshylar 1,8 mln ienge tek ashylý jáne jabylý saltanatyn tamashalaýǵa múmkindik beretin biletterdi usynady.
Japoniianyń shamamen 5,12 mln turǵyny 2020 jylǵy 24 shilde men 9 tamyz aralyǵynda ótetin Olimpiada oiyndaryna biletterdi satyp alyp qoiǵan.
