Tokio Olimpiadasyna Almatydan qansha sportshy baratyny belgili boldy

Almaty ákimi Baqytjan Saǵyntaev Olimpiada oiyndaryna baratyn sportshylarǵa aq jol tiledi, dep habarlaidy "Ult aqparat".

Qala ákimi twitter-degi paraqshasyna Tokioda ótetin Olimpiada oiyndaryna Almatydan 13 sportshy baratynyn jazyp, olarǵa sáttilik tiledi. 

«Almatynyń 13 sportshysy Tokioda ótetin Olimpiadada sporttyń alty túrinen Qazaqstannyń namysyn qorǵaidy. Olar júzý, sporttyq gimnastika, sý doby jáne eń alǵash ret quzǵa órmeleý bar. Sondai-aq eki sportshy Paralimpiadada óner kórsetedi. Barshańyzǵa sáttilik, shydam men jeńis tileimin», - dep jazdy Baqytjan Saǵyntaev.

«Tokio - 2020» Olimpiada oiyndary osy jyldyń 23 shildesinen 8 tamyzǵa deiin Japoniiada ótedi. Almaty qalasynyń 13 sportshysy Olimpiada oiyndaryna qatysý úshin sporttyń 6 túri boiynsha 13 litsenziiany jeńip aldy: júzý (100 m, 200 m) – Dmitrii Balandin; sporttyq shyńǵa shyǵý – Rishat Haibýllin; sporttyq gimnastika – Milad Karimi (7 litsenziia); sý polosynyń komandasy; jeńil atletika – Kristina Ovchinnikova; stendilik atý – Ásem Orynbai. Eldegi litsenziialardyń jalpy sany – 96, al sportshylar sany – 95.

Sonymen qatar 24 tamyz ben 5 qyrkúiek aralyǵynda Tokioda Paralimpiada oiyndary ótedi. Almatydan 2 sportshy 2 litsenziia jeńip aldy: parataekvondo – Kamilia Dosmalova, parapaýerlifting – Alina Solodýhina.