XXXII Jazǵy Olimpiada oiyndarynyń transliatsiiasyna qatysty japoniialyq «Dentsu Inc.» kompaniiasymen kelissóz nátijeli aiaqtaldy, dep habarlaidy "Ult aqparat" «Qazaqstan» RTRK» AQ baspasóz qyzmetine silteme jasap.
«Qazaqstan» teleradiokorporatsiiasy men «Habar» agenttigi» AQ el aýmaǵynda Tokio Olimpiadasyn jáne 2022 jylǵy Beijińde ótetin Qysqy Olimpiada oiyndaryn kórsetý quqyǵyn ielendi. Kelisimshart qorytyndysy boiynsha transliatsiia qunyn qolaily baǵada satyp alý týraly ortaq mámilege qol jetkizildi.
Qazaqstandyqtar 23 shilde men 8 tamyz aralyǵynda Tokioda ótetin Jazǵy Olimpiada oiyndaryn «Qazaqstan», «Qazsport» jáne «Habar» telearnalarynan tikelei efirde kóre alady. Álemdik saiysta Qazaqstan quramasynan sporttyń 27 túri boiynsha 96 sportshy baq synaidy.
Telearnalardaǵy olimpiadalyq jarystar kestesi qosymsha jariialanady.
Aita keteiik, osy sátte «Qazaqstan» jáne «Habar» arnasy Olimpiada oiyndarynyń ashylý saltanatyn tikelei efirde kórsetip jatyr.
