Qazaqstandyq boksshy Sáken Bibosynov Tokio Olimpiadasynyń jartylai finalyna shyqty, - dep habarlaidy "Ult aqparat".
52 kelige deiingi salmaqta synǵa túsip jatqan otandasymyz shirek finalda Ispaniia boksshysy Gabriel Eskobarmen judyryqtasty. Birinshi raýndta Sáken qarsylasyn nokdaýnǵa túsirdi. Nátijesinde bes tóreshiniń tórteýi qazaq boksshysyna joǵary upai berdi.
Ekinshi raýndta Maskýnanoǵa joǵary upai berilse de, úshinshi raýndty Bibosynov aldy. Qorytyndy esep – 3:2.
Jartylai finalda jerlesimiz Ulybritaniia boksshysy Galal Iafaimen qolǵap túiistiredi. Bul jekpe-jek 5 tamyzda ótedi.
Aita keteiik, Qazaqstandyq boksshy buǵan deiin 1/8 finalda frantsýz Bilal Bennamdy senimdi jeńgen. Al alǵashqy kezeńde Bibosynov Pýerto-Riko ókili Iankel Rivera Figeroamen judyryqtasyp, 4:1 esebimen basym túsken edi.
24 jastaǵy Bibosynov - 2019 jylǵy álem chempionaty men 2021 jylǵy Aziia chempionatynyń qola júldegeri.
Osylaisha, qazaqstandyq ekinshi boksshy jartylai finalǵa joldama aldy. Buǵan deiin qurama kapitany Qamshybek Qońqabaev shirek finalda jeńiske jetken.
