Búgin Tokio Olimpiadasynda sadaq atýdan erler men áielder arasyndaǵy irikteý kezeńi bastaldy, dep habarlaidy "Ult aqparat" Mádeniet jáne sport ministrligine silteme jasap.
70 metrden nysana kózdeý básekesinde el namysyn Denis Gankin, Sanjar Musaev pen Ilfat Abdýllin qorǵady. Qazaqstan quramasynyń sportshylary Niderlandynyń Hertogenbos qalasynda ótken Álem chempionatynda Olimpiada joldamasyn ielengen edi. Olardyń irikteý kezeńindegi nátijesi:
9-oryn - Denis Gankin (669 upai)
27-oryn - Ilfat Abdýllin (657 upai)
52-oryn Sanjar Musaev (647 upai)
Al jalpy esepte: 1-oryn - Kim Dje Dok (688 upai);
2-oryn - Bredi Ellison (682 upai);
Aita keteiik, sadaq atý sportynyń bul baǵdarlamasynda Olimpiada rekordyn ońtústik koreialyq Kim Ýdjin 2016 jyly 5 tamyzda Rio-de-Janeiro qalasynda tirkegen (700 upai). Al Álem rekordy amerikalyq Bredi Ellisonǵa tiesili. Ol 2019 jyly 7 tamyzda Perý astanasy Limada ótken chempionatta 702 upai jinaǵan.
