Búgin Tokio Olimpiadasy resmi túrde jabyldy, dep habarlaidy "Ult aqparat".
Saltanatty sharany koronavirýs pandemiiasynyń qatań shekteýlerine bailanysty jankúierler tamashalai alǵan joq.
Jabylý saltanatynda Japoniianyń ánurany oryndalyp, memlekettik týy joǵary kóterildi. Sportshylar sherýin Grekiia quramasy bastap shyqsa, ony Japoniia quramasy qorytyndylady.
Saltanatty sherý barysynda elimizdiń Týyn bokstan Tokio Olimpiadasynyń qola júldegeri Qamshybek Qońqabaev ustap shyqty.
Olimpiada alaýy sóndirilip, eki aptadan astam ýaqytqa sozylǵan aitýly shara saltanatty túrde jabyldy.
Eske sala keteiik, Olimpiadanyń ashylý saltanatyna arnaiy shaqyrtylǵan álemniń 15 memleketiniń jáne halyqaralyq uiymdar basshylaryn qosa eseptegende 950 qurmetti qonaq qatysty.
Eske salsaq, dúbirli dodaǵa Qazaqstan atynan 97 sportshy sporttyń 28 túrinen baq synady. Qazaqstan Ulttyq olimpiadalyq komiteti aitýly alamanǵa baratyn tizimdi irikteý jáne reiting jarystary aiaqtalǵannan keiin shyǵardy.
Biyl dúbirli dodada 33 sport túrinen 339 medal jiyntyǵy sarapqa salyndy. Olimpiada baǵdarlamasyna beisbol/softbol, karate, serfing, sporttyq quzǵa órmeleý jáne skeitbording sekildi sporttyń bes túri engizilgen.
Aitýly alamanǵa jumyr jer betindegi 206 memleketten 11 myńnan astam sportshy qatysty. Jarysqa qatysýshylardyń teń jartysyna jýyǵy áielder boldy.
Eske salsaq, dúbirli dodaǵa Qazaqstan atynan 97 sportshy sporttyń 28 túrinen baq synady.
Qazaqstan sportshylary segiz qola medal aldy. Olardyń qatarynda dziýdoshy Eldos Smetov, aýyr atletter Igor Son men Zýlfiia Chinshanlo, boksshylar Qamshybek Qońqabaev, Sáken Bibosynov, palýan Nurislam Sanaev pen karateshi Darhan Asadilov pen Sofia Berýltseva bar.
Medaldar kectesi jóninen qorytyndy komandalyq esepte Qazaqstan quramasy 83-orynǵa turaqtady.
Al Tokio Olimpiadasynda 39 altyn, 41 kúmis, 33 qola (113 medal) alǵan AQSh quramasy birinshi oryn enshiledi. Al odan keiingi oryndardaǵy Qytaidyń 38 altyn, 32 kúmis, 18 qola (88 medal), Japoniianyń 27 altyn, 14 kúmis, 17 qola (58 medal) júldesi bar.
Olimpiada jalaýy aldaǵy Jazǵy Olimpiada oiyndarynyń qojaiyny Frantsiiaǵa tabys etiledi.
Aita keteiik, aldaǵy Frantsiia astanasy Parij qalasynda 2024 jyldyń 27 shildesi men 11 tamyz aralyǵynda ótkiziledi dep josparlanyp otyr.
