QR Mádeniet jáne sport vitse-ministri Erlan Qojaǵapanov qazaqstandyq sportshylar Tokio Olimpiadasynda qandai forma kiedi degen suraqqa jaýap berdi, dep habarlaidy "Ult aqparat".
«Bul másele Ulttyq Olimpiada komitetiniń baqylaýynda. Meniń bilýimshe, osy aidyń sońyna deiin bul formany kóre alamyz. Kiimdi ulttyq kompaniia tigedi, keibir elementter jańa innovatsiialyq ádistermen sheshilip jatyr. Biz ár Olimpiadada formamyzǵa ózgerister engizemiz, Tokio Olimpiadasyndaǵy ulttyq quramamyzdyń formasy Rioǵa qaraǵanda ádemirek bolatynyna senemin», - dedi Erlan Qojaǵapanov Ortalyq kommýnikatsiialar qyzmetinde ótken baspasóz máslihatynda tilshi suraǵyna.
