Qazaqstandyq boksshy Qamshybek Qońqabaev Tokio Olimpiadasynyń shirek finalynda qarsylasyn jeńip, jartylai finalǵa shyqty, - dep habarlaidy "Ult aqparat".
Qazaqstan quramasynyń kapitany Qamshybek Qońqabaev aýyr salmaqta reseilik Ivan Veriasovqa qarsy jekpe-jekke shyǵyp, 4:1 esebimen jeńiske jetti.
Qazaqstandyq sportshynyń búgingi qarsylasy Ivan Veriasov 1993 jyly dúniege kelgen. Áýesqoi boksta qazirge deiin 281 jekpe-jek ótkizip, onyń 255-de jeńiske jetken. Ázirge álemdik jáne qurlyqtyq chempionattarda júldegerler qatarynan kórine alǵan joq.
Eske salsaq, biylǵy Olimpiadaǵa erler quramasynan 8 sportshy bardy. Olardyń arasynan Qamshybekten ózge Sáken Baibosynov (52 keli), Zakir Safiýllin (60 keli) jarysty jalǵastyrýda.
Al Serik Temirjanov (57 keli), Abylaihan Júsipov (69 keli), Ábilhan Amanqul (75 keli), Bekzat Nurdáýletov (81 keli), Vasilii Levit (91 keli) qarsylasyna ese jiberip qoidy.
