Tokio Olimpiadasynda qazaqstandyq Zakir Safiýllin (63 keli) búgin shirek finalda avstraliialyq Harrison Garsaidpen kezdesedi, dep habarlaidy "Ult aqparat".
Zakirdiń qarsylasy - Harrison Garsaid 1997 jyly 22 shildede dúniege kelgen. Ázirge halyqaralyq deńgeide joǵary tabystarǵa qol jetkize qoiǵan joq.
Ol Olimpiadadaǵy jarysyn birinshi irikteý kezeńinde Papýa-Jańa Gvineia elinen kelgen Djon Ýmeni, odan keiin namibiialyq Ionas Ionasty 5:0 esebimen jeńdi.
Al Zakir Safiýllin 1986 jyldyń 11 qarashasynda týǵan. 2015 jyly Aziia chempionatynda kúmis júldeger atandy.
Olimpiadada Zakir birinshi irikteý kezeńinde perýlik Leodan Pezony 5:0 esebimen jeńse, odan keiin japoniialyq Daisýke Narimatsý densaýlyq jaǵdaiyna bailanysty sharshy alańǵa shyǵýdan bas tartty.
Búgingi jekpe-jek astana ýaqytymen saǵat 15:35-ke belgilengen.
Zakir qarsylasyn jeńgen jaǵdaida jartylai finalda kýbalyq Endi Krýz jáne braziliialyq Vanderson Oliveiramen sheberlik baiqasady.
Eske salsaq, biylǵy Olimpiadaǵa bokstan erler quramasynan 8 sportshy bardy. Olardyń arasynan Zakirden ózge Sáken Bibosynov (52 keli), Qamshybek Qońqabaev (91 keliden joǵary) jarysty jalǵastyryp jatyr.
