Japoniia astanasyndaǵy Olimpiada oiyndarynda Qazaqstan atynan synǵa túsip jatqan taǵy bir tennisshi Aleksandr Býblik asa tartysty kezdesýde reseilik sportshydan jeńilip qaldy, dep habarlaidy "Ult aqparat".
Reseilik Daniil Medvedev pen qazaqstandyq tennisshi arasyndaǵy oiyn 1 saǵat 38 minýtqa sozyldy. Birinshi set 6:4 esebimen reseiliktiń paidasyna sheshilse, ekinshi sette tarazy basy 64 minýt boiy teńselip turdy. Aqyry reseilik sportshy jalpy esepte 6:4 jáne 7:6 esebimen basymdyq tanytty.
Aita keteiik, buǵan deiin Elena Rybakina aýstraliialyq tennisshiden ailasyn asyryp, jarystyń kelesi kezeńine ótken bolatyn.
Birinshi ainalymda onyń qarsylasy aýstraliialyq Samanta Stosýr boldy. 1 saǵat 10 minýtqa sozylǵan saiysta qarsylasynan 6:4 jáne 6:2 esebimen basym túsken qazaqstandyq teniisshi jarystyń kelesi raýndyna shyqty.
