Tokio Olimpiadasynda sý dobynan Qazaqstan quramasy qarsylasynan jeńilip qaldy, dep habarlaidy "Ult aqparat".
Qazaqstandyq sportshylar toptyq kezeńdegi ekinshi kezdesýin Serbiia quramasyna qarsy ótkizdi. Kezdesý barysynda 5:19 esebimen qarsylasyna ese jiberdi. Qurama sapynan Evgenii Medvedev pen Srjan Výksanovich eki-ekiden mergendik tanytsa, Dýsan Markovich bir goldyń avtory atandy.
Endi qazaqstandyq qurama 29 shildede Ispaniiaǵa qarsy oinaidy.
Eske salsaq, budan buryn toptyq kezeńdegi birinshi kezdesýinde Qazaqstan quramasy Horvatiiadan jeńilip qaldy.
Qaazaqstan V tobynda synǵa túsedi. Qarsylastary - Chernogoriia, Ispaniia, Serbiia, Horvatiia, Avstraliia.
Aita keteiik, Qazaqstan quramasy Olimpiadaǵa tórtinshi márte qatysyp otyr. 2000 jyly jalpy komandalyq esepte toǵyzynshy orynǵa taban tirep, ázirge ol quramanyń eń joǵary jetistigi retinde tirkelgen.
