Tokio Olimpiadasynda sý dobynan Qazaqstan quramasy Ispaniiadan jeńilip qaldy, dep habarlaidy "Ult aqparat".
Qazaqstan V tobynda synǵa túsedi. Qarsylastary - Chernogoriia, Ispaniia, Serbiia, Horvatiia, Avstraliia.
Buǵan deiin qazaqstandyq sportshylar Horvatiia (7:23) men Serbiiaǵa (5:19) ese jiberip qoiǵan edi.
Búgingi oiynda ispaniialyqtar basym oinady. Nátijesinde qazaqstandyqtar qaqpasy mańynda jii boi kórsetti. Kezdesý 16:4 esebimen Ispaniianyń paidasyna aiaqtaldy.
Endi Qazaqstan quramasy 31 shildede kezdesýdi Chernogoriiaǵa qarsy ótkizedi.
Aita keteiik, Qazaqstan quramasy Olimpiadaǵa tórtinshi márte qatysyp otyr. 2000 jyly jalpy komandalyq esepte toǵyzynshy orynǵa taban tirep, ázirge ol quramanyń eń joǵary jetistigi retinde tirkelgen.
