Tokio Olimpiadasynda qazaqstandyq Móldir Jańbyrbai (55 keli) karate-dodan ekinshi jekpe-jegin ótkizdi, dep habarlaidy "Ult aqparat".
Ekinshi kezdesýinde Móldir ýkrainalyq Anjelika Terliýgamen kezdesti.
Alǵashqy sátterde qarsylasy birden úsh upai alyp ketti. Odan keiin Móldir qaitadan tarazy basyn teńestirdi.
Jekpe-jek 4:4 esebimen teń aiaqtaldy.
Anjelika Terliýga 1992 jyldyń 27 mamyrynda dúniege kelgen. Búgingi deiin Eýropa chempionatynda 3 altyn, 1 kúmis, 2 qola medal alǵan. Sondai-aq, eýropalyq oiyndarda kúmis júldeger atandy.
Aita ketsek, Móldir Jańbyrbai V tobynda synǵa túsedi. Qarsylastary - ýkrainalyq Anjelika Terliýga, japoniialyq Miho Miiahara, avstriialyq Bettina Plank jáne mysyrlyq Radvan Saied.
Móldir alǵashqy jekpe-jeginde mysyrlyq Radvan Saiedti jeńse odan keiin avstriialyq Bettina Plankqa ese jiberedi.
Endi qazaqstandyq sportshy tórtinshi jekpe-jeginde japoniialyq Miho Miiaharamen kezdesedi.
Olimpiadada áielder arasynda 55 kelide synǵa túsip jatqan 9 karate-do sheberi eki topqa bólingen. Árbir toptaǵy sportshylar bir-birimen kezdesedi. Úzdik shyqqan ekeýi jartylai finalǵa shyǵady.
Jartylai finalda tórt sportshy ózara bir-birimen kezdesip, úzdik úshtikti anyqtaidy.
