Tokio Olimpiadasynda qazaqstandyq Móldir Jańbyrbai (55 keli) karate-dodan jartylai finalǵa shyqty, dep habarlaidy "Ult aqparat".
Aita ketsek, Móldir Jańbyrbai V tobynda synǵa túsedi. Qarsylastary - ýkrainalyq Anjelika Terliýga, japoniialyq Miho Miiahara, avstriialyq Bettina Plank jáne mysyrlyq Radvan Saied.
Móldir Jańbyrbai 1997 jyldyń 18 mamyrynda dúniege kelgen.
Ol karate-dodan QR halyqaralyq dárejedegi sport sheberi, kópdúrkin QR chempionattarynyń, spartakiadalardyń, halyqaralyq jarystardyń jeńimpazy jáne júldegeri.
Qazaqstandyq sportshy túrli jas deńgeiinde 3 dúrkin Aziia jáne 3 dúrkin álem chempiony, Álem kýbogynyń iegeri.
Ol alǵashqy jekpe-jeginde egipettik Radva Saiedpen sheberlik baiqasty. Kezdesý tartysty ótti. Alǵashqy sátterde qazaqstandyq sportshynyń basymdyǵy baiqalyp turdy. Móldir Jańbyrbai alǵashqy kezdesýin sátti ótkizdi. Alda áli úsh kezdesýi bar.
Radva Saied 1997 jyldyń 30 mamyrynda dúniege kelgen. 2016 jyly álem chempionatynda qola alsa, Afrika oiyndarynda 2015 jyly qola, 2019 jyly kúmis júldeger boldy.
Eske salsaq, budan buryn qazaqstandyq karate -do sheberi Darhan Asadilov Olimpiadanyń jartylai finalyna shyqty.
