Tokio Olimpiadasynda qazaqstandyq Milad Karimi sporttyq gimnastikadan kermede jattyǵý jasaýda finalda júldegerler qatarynan kórine alǵan joq, dep habarlaidy "Ult aqparat".
Onyń kórsetkishi -11.266. Qazaqstandyq sportshy osylaisha júldege iligetin sportshylar tiziminen shyǵyp qaldy. Ol budan burynǵy irikteý satysynda 14.766 kórsetkishimen ekinshi oryn alǵan edi.
Eske salsaq, budan buryn kópsaiysta 14-oryn alsa, erkin jattyǵý saiysynyń finalynda besinshi oryn aldy.
Milad Karimi budan buryn Aziia chempionatynda úsh márte júldegerler qatarynan kórinse, 2019 jyly Jazǵy ýniversiadada kúmis júldeger atandy.
Búginge deiin Tokio Olimpiadasynda qazaqstandyq sportshylar úsh qola medal aldy. Olardyń qatarynda dziýdoshy Eldos Smetov , aýyr atletter Igor Son men Zúlfiia Chinshanlo bar.
Qazaqstandyq boksshylar - Sáken Bibosynov (52 keli) pen Qamshybek Qońqabaev (91 keliden joǵary) jartylai finalǵa joldama aldy.
