Búgin Tokio Olimpiadasynda qazaqstandyqtar sporttyń tórt túrinen saiysqa tústi, dep habarlaidy "Ult aqparat".
Baidarka men kanoede esýde áielder arasynda jekelei synda 200 metrlikte Margarita Torlopova jarystyń alǵashqy satysynan ótti. Alaida shirek finalda jetinshi oryndy mise tutty. Bul jartylai finalǵa shyǵýǵa múmkindik bergen joq.
Baidarka men kanoede esýde áielder arasynda jekelei synda 500 metrlikte jekelei synda Natalia Sergeeva shirek finalǵa jetken edi. Biraq shirek finalda altynshy oryndy mise tutyp, jartylai finaldan shet qaldy.
Al erkin kúreste Nurislam Sanaev (57 keli) alǵashqy eki beldesýinde Gvinei-Bisaýdan kelgen Iýna Fafe jáne japoniialyq japoniialyq Iýki Takahasidi qapy qaldyryp ketti. Degenmen jartylai finalda úndistandyq Ravi Kýmarǵa ese jiberdi. Endi erteń 3-oryn úshin saiysqa túsedi.
Boksshy Qamshybek Qońqabaev (91 keliden joǵary) jartylai finalda AQSh boksshysy Richard Torrezge jol berdi. Al budan buryn mysyrlyq Iýsri Rezk Mustafa Hafez ben reseilik Ivan Veriasovty jeńgen bolatyn.
Velotrekten erler komandasy sprintten biliktilik deńgeiiniń irikteý satysynda 29-oryndy qanaǵat tutty. Osylaisha 1/32 finalǵa shyqqan 24 qatysýshy qatarynan shet qaldy.
