Qazaqstandyq sportshylar búginge deiin Tokio Olimpiadasyna sporttyń 15 túrinen 29 joldama jeńip aldy, dep habarlaidy "Ult aqparat".
Eń kóp litsenziiany erkin kúres balýandary jáne sadaq atýshylar jeńip alǵan. Atalǵan sport túrlerinen tórt-tórtten barlyǵy 8 joldama bar.
Ekinshi orynda 3 joldamaǵa ielik etken jeńil atletter men tasjoldaǵy velosportta synǵa túsetin sportshylar tur.
Al júzý sportynan - 2, grek-rim kúresinen - 2, áielder kúresinen 2 litsenziia buiyrǵan bolsa, qazirgi bessaiystan taǵy 2 joldamamyz bar.
Kelesi sport túrlerinen ázirge Olimpiadaǵa bir-birden joldama bar - ashyq sýda júzý, sinhrondy júzý, sporttyq quzǵa órmeleý, sporttyq gimnastika, stend atý, nysana kózdeý, karate.
Eske salaiyq, osy kúnderi Iordaniianyń Amman qalasynda bokstan Aziia-Tynyq muhity aimaǵy elderiniń irikteý týrniri ótip jatyr. Bul dodadan keiin joldamalar sany artady degen úmittemiz.
