Búgin Qazaqstan quramasynyń qorjyny Tokio Olimpiadasyna taǵy bir joldamamen tolyǵyp, 97- ge jetti, dep habarlaidy "Ult aqparat".
Tennisten Qazaqstan quramasynyń ókili Zarina Diias Olimpiada litsenziiasynyń iegeri boldy.
Bul Halyqaralyq tennis federatsiiasy qalǵan kvotalardy qaita bólýdi júzege asyrǵannan keiin belgili boldy. Sportshynyń ITF litsenziiasyn Qazaqstan Ulttyq Olimpiadalyq Komiteti rastady.
Endi ol Tokioda jekelei synda óner kórsetedi.
Osylaisha, alty qazaqstandyq jekelei synda baq synaidy. Atap aitqanda, buǵan deiin Aleksandr Býblik, Iýliia Pýtintseva, Elena Rybakina, Iaroslava Shvedova, Mihail Kýkýshkin joldama ielengen.
Juptyq synda Andrei Golýbev pen Aleksandr Býblik, sondai-aq Elena Rybakina men Iaroslava Shvedova synǵa túsedi.
Eske salaiyq, Tokio Olimpiadasyna sportshylardy qabyldaý 2021 jylǵy 7 maýsymdaǵy ATP jáne WTA reitingteri negizinde júzege asyryldy.
Ár elden qatysýshylardyń eń kóp sany 12 adamnan aspaýy kerek (alty er adam jáne alty áiel). 64 tennisshi jeke, 32 jup - juptyq, 16 jup - aralas jupta qatysady.
Esterińizge sala keteiik, osyǵan deiin Qazaqstan quramasynda sporttyń 27 túrinen 96 litsenziia jeńip alǵanyn jáne olardyń kimder ekenin jazǵan bolatynbyz.
Aita keteiik, Olimpiada oiyndary 23 shilde men 9 tamyz aralyǵynda Tokio tórinde ótedi.
