Tokiodaǵy Olimpiada oiyndarynda 60 keli salmaqta óner kórsetip jatqan dziýdoshy Eldos Smetov shirek finalda koreialyq qarsylasyn súrindirdi, dep habarlaidy "Ult aqparat".
Shirek finalda Eldos Smetov Ońtústik Koreianyń úmiti Kim Von Djinmen beldesken bolatyn. Qazaqstandyq dziýdoshy qarsylasyn «ippon» ádisimen utyp ketti.
Endi ol jartylai finalda tatami iesi – japoniialyq Naohisa Takatomen aiqasady. Japon sportshysy Naohisa Takato áýeli Eýropa chemiponatynyń júldegeri belgiialyq Iorre Ferstretendi utsa, shirek finalda grýziialyq Lýhými Chhvimianiden basym ekenin dáleldegen bolatyn. Sondai-aq, Naohisa Takato Rio Olimpiadasynda qola medal enshilegen edi. 2017 jylǵy álem chempiony degen ataǵy da bar.
Sondai-aq, otandasymyz Serik Temirjanov ta óziniń alǵashqy jekpe-jegin jeńispen aiaqtady.
