Foto: Aqorda
Memleket basshysy Ázerbaijan Prezidenti Ilham Álievke quttyqtaý jedelhatyn joldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaev Ilham Álievti eliniń aitýly jetistikke qol jetkizýimen, atap aitqanda, Ázerbaijannyń 2024 jyly klimattyń ózgerýi jónindegi BUU-nyń negizdemelik konventsiiasyna qosylýshy taraptardyń 29-shy konferentsiiasy ótetin memleket retinde tańdalýymen quttyqtady.
"Bul sheshim – Sizdiń elińizdiń halyqaralyq arenadaǵy bedeli joǵary ekeniniń aiqyn dáleli. Sondai-aq, Ázerbaijannyń tiimdi jáne progressivti saiasaty men klimatqa qatysty jahandyq kún tártibindegi asqaq murattarǵa beiildigin moiyndaǵanyn bildiredi. Osynaý aýqymdy forýmdy kórikti Baký shaharynda ótkizý Ornyqty damý maqsattaryn ilgeriletýge eleýli úles qosyp, zamanymyzdyń eń ózekti mindetteriniń sheshimin tabýǵa septigin tigizetinine, sonymen qatar aimaqtyq sipattaǵy ekologiialyq máselelerge álemdik qoǵamdastyqtyń nazaryn aýdaratynyna senimdimin", – dep jazylǵan jedelhatta.
Memleket basshysy ázerbaijandyq áriptesine COP29 konferentsiiasyn tabysty ári nátijeli ótkizý úshin Qazaqstannyń jan-jaqty kómek berýge daiyn ekenin jetkizip, sharaǵa belsendi qatysatynyn aitty.
