Memleket basshysy Qasym-Jomart Toqaev premer-ministr Asqar Mamindi qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaevqa biylǵy 1 qyrkúiek pen 30 qazan aralyǵynda júrgizilgen Ulttyq halyq sanaǵynyń alǵashqy nátijeleri týraly baiandaldy.
Asqar Maminniń málimeti boiynsha, qazaqstandyqtardyń jalpy sany - 19 169 550 adam. Otandastarymyzdyń 48,71 paiyzy - erler, 51,29 paiyzy - áielder.
Qazaqstan halqynyń orta jasy 31,94 dep kórsetilgen. Jalpy, halyqtyń 33,97 paiyzy - 17 jasqa deiingi balalar, 19,72 paiyzy - 14-28 jas aralyǵyndaǵy jastar. Elimizdegi qazaqtardyń úlesi - 70,18 paiyzǵa jetken.
Halyqtyń 59,05 paiyzy, iaǵni 11 320 410 adam eńbekke jaramdy dep tanylǵan.
