Foto: Akorda.kz
Qazaqstan Prezidentiniń atyna Qaraǵandy oblysyndaǵy ken ornynda bolǵan apat saldarynan kóptegen adamnyń qaza tabýyna bailanysty shet memleketterdiń basshylarynan jáne halyqaralyq uiymdardyń jetekshilerinen kóńil aitý jedelhattary kelip túsip jatyr, - dep habarlaidy "Ult aqparat" Aqordanyń baspasóz qyzmetine silteme jasap.
Sondai-aq memleketter basshylary telefon arqyly da kóńil aityp jatyr. Olar qaza tapqan kenshilerdiń otbasylarynyń qaiǵysyna ortaqtasyp, kóńil aitqan jáne zardap shekkenderdiń tezirek saýyǵyp ketýine tilektestik bildirgen.
Sonyń ishinde Ózbekstan Prezidenti Shavkat Mirziioev pen Qyrǵyzstan Prezidenti Sadyr Japarov telefon arqyly kóńil aitty jáne jedelhattaryn da joldady.
Qaraǵandy oblysyndaǵy Kostenko atyndaǵy shahtada bolǵan apat saldarynan qaza tapqan kenshilerdiń otbasylary men jaqyndaryna ózderiniń kóńil aitý jedelhattaryn Resei Prezidenti Vladimir Pýtin, Frantsiia Prezidenti Emmaniýel Makron, Tájikstan Prezidenti Emomali Rahmon, Túrikmenstan Prezidenti Serdar Berdimuhamedov, Túrikmenstan Halk Maslahatynyń tóraǵasy Gýrbangýly Berdimuhamedov, Ázerbaijan Prezidenti Ilham Áliev, Belarýs Prezidenti Aleksandr Lýkashenko, Armeniia Premer-ministri Nikol Pashinian, Tatarstan Raisy Rýstam Minnihanov, DDU Bas direktory Tedros Adhanom Gebreiesýs, TÚRKSOI-dyń Bas hatshysy Sultan Raev jáne basqalar joldady.
