فوتو: Akorda.kz
قازاقستان پرەزيدەنتٸنٸڭ اتىنا قاراعاندى وبلىسىنداعى كەن ورنىندا بولعان اپات سالدارىنان كٶپتەگەن ادامنىڭ قازا تابۋىنا بايلانىستى شەت مەملەكەتتەردٸڭ باسشىلارىنان جەنە حالىقارالىق ۇيىمداردىڭ جەتەكشٸلەرٸنەن كٶڭٸل ايتۋ جەدەلحاتتارى كەلٸپ تٷسٸپ جاتىر, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
سونداي-اق مەملەكەتتەر باسشىلارى تەلەفون ارقىلى دا كٶڭٸل ايتىپ جاتىر. ولار قازا تاپقان كەنشٸلەردٸڭ وتباسىلارىنىڭ قايعىسىنا ورتاقتاسىپ, كٶڭٸل ايتقان جەنە زارداپ شەككەندەردٸڭ تەزٸرەك ساۋىعىپ كەتۋٸنە تٸلەكتەستٸك بٸلدٸرگەن.
سونىڭ ٸشٸندە ٶزبەكستان پرەزيدەنتٸ شاۆكات ميرزييوەۆ پەن قىرعىزستان پرەزيدەنتٸ سادىر جاپاروۆ تەلەفون ارقىلى كٶڭٸل ايتتى جەنە جەدەلحاتتارىن دا جولدادى.
قاراعاندى وبلىسىنداعى كوستەنكو اتىنداعى شاحتادا بولعان اپات سالدارىنان قازا تاپقان كەنشٸلەردٸڭ وتباسىلارى مەن جاقىندارىنا ٶزدەرٸنٸڭ كٶڭٸل ايتۋ جەدەلحاتتارىن رەسەي پرەزيدەنتٸ ۆلاديمير پۋتين, فرانتسييا پرەزيدەنتٸ ەممانيۋەل ماكرون, تەجٸكستان پرەزيدەنتٸ ەمومالي راحمون, تٷرٸكمەنستان پرەزيدەنتٸ سەردار بەردٸمۇحامەدوۆ, تٷرٸكمەنستان حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆ, ەزەربايجان پرەزيدەنتٸ يلحام ەليەۆ, بەلارۋس پرەزيدەنتٸ الەكساندر لۋكاشەنكو, ارمەنييا پرەمەر-مينيسترٸ نيكول پاشينيان, تاتارستان رايسى رۋستام ميننيحانوۆ, ددۇ باس ديرەكتورى تەدروس ادحانوم گەبرەيەسۋس, تٷركسوي-دىڭ باس حاتشىسى سۇلتان راەۆ جەنە باسقالار جولدادى.
