Eýraziialyq integratsiia institýty QR Prezidenti Qasym-Jomart Toqaevtyń qyzmetine jurtshylyqtyń kózqarasyn anyqtaý maqsatynda saýalnama júrgizdi, dep habarlaidy "Ult aqparat" Institýttyń saityna silteme jasap.
Saýalnama 14 oblys ortalyǵynda, Nur-Sultan, Almaty, Shymkent qalalarynda jáne aýyldarda júrgizildi. Sarapshylardyń málimdeýinshe, saýalnamaǵa 18 jastan asqan, el turǵyndarynyń ortasha áleýmettik-demografiialyq kórsetkishterine ie azamattar qatysqan.
Saýalnama qorytyndysy boiynsha, Prezidentti el turǵyndary tikelei qoldap otyrǵany aiqyn ańǵarylady. Naqtyraq aitqanda, Memleket basshysy retinde Qasym-Jomart Toqaevty turǵyndardyń 70,3%-y qoldaidy.
Qoǵamda QR Prezidentine sený deńgeii de joǵary - 74,9%.
Respondentterdiń 70%-dan astamy Prezidenttiń bastamalary halyqtyń ál-aýqatyn jaqsartýǵa, eldi damytýǵa qaýqarly dep sanaidy.
Olardyń pikirinshe, QR Prezidentiniń «Jerdiń sheteldikterge satylmaityny týraly málimdemesi», «Adamdarǵa, ásirese balalarǵa qarsy aýyr qylmystarǵa beriletin jazany kúsheitý», «Kóp balaly jáne tabysy az otbasylarǵa jaldamaly baspana berý», «Nesie raqymshylyǵy», «Qazaqstannyń strategiialyq áriptestermen jáne halyqaralyq uiymdarmen belsene yntymaqtastyq etýi» sekildi sharalary mańyzdy.
Saýalnamaǵa qatysýshylar Prezident pen Úkimettiń jalaqy, zeinetaqy mólsherin, jalpy eldiń ál-aýqatyn kóteretinine, baspanany qoljetimdi etetinine, sybailas jemqorlyqty joiyp, meditsinalyq qyzmet pen bilim berý sapasyn arttyratynyna úmit bildirdi.
