Foto: Akorda.kz
Memleket basshysy Qasym-Jomart Toqaev jýrnalisterge qarsy baǵyttalǵan qylmystardy muqiiat tergeýdi tapsyrdy. Bul týraly Prezidenttiń baspasóz hatshysy Rýslan Jeldibai habarlady.
"Prezident quqyq qorǵaý organdaryna jýrnalisterge qarsy baǵyttalǵan birqatar qylmys boiynsha muqiiat tergeý júrgizýdi tapsyrdy. Qoǵamdyq qaýipsizdik pen memlekettiń bedeline nuqsan keltirý úshin jasalǵan bul zańsyz áreketterdiń oryndaýshylary ǵana emes, tapsyrys berýshileri de anyqtalýǵa tiis", - dep jazdy ol Facebook-paraqshasynda.
Eske salaiyq, 15 qańtarda Almatyda jýrnalist Dinara Egeýbaevanyń kóligin belgisiz bireýler órtep ketken edi. Kúdiktilerdiń sózinshe, olar belgisiz adamnan internet arqyly tapsyrys alǵan.
Al 19 qańtarda áldekimder jýrnalist Vadim Boreikonyń úiiniń esigine montaj kóbigin jaǵyp ketken. Boreiko buzaqylar órt qoiǵysy kelgen bolýy múmkin ekenin de aitady.
