فوتو: Akorda.kz
مەملەكەت باسشىسى قاسىم-جومارت توقاەۆ جۋرناليستەرگە قارسى باعىتتالعان قىلمىستاردى مۇقييات تەرگەۋدٸ تاپسىردى. بۇل تۋرالى پرەزيدەنتتٸڭ باسپاسٶز حاتشىسى رۋسلان جەلدٸباي حابارلادى.
"پرەزيدەنت قۇقىق قورعاۋ ورگاندارىنا جۋرناليستەرگە قارسى باعىتتالعان بٸرقاتار قىلمىس بويىنشا مۇقييات تەرگەۋ جٷرگٸزۋدٸ تاپسىردى. قوعامدىق قاۋٸپسٸزدٸك پەن مەملەكەتتٸڭ بەدەلٸنە نۇقسان كەلتٸرۋ ٷشٸن جاسالعان بۇل زاڭسىز ەرەكەتتەردٸڭ ورىنداۋشىلارى عانا ەمەس, تاپسىرىس بەرۋشٸلەرٸ دە انىقتالۋعا تيٸس", - دەپ جازدى ول Facebook-پاراقشاسىندا.
ەسكە سالايىق, 15 قاڭتاردا الماتىدا جۋرناليست دينارا ەگەۋباەۆانىڭ كٶلٸگٸن بەلگٸسٸز بٸرەۋلەر ٶرتەپ كەتكەن ەدٸ. كٷدٸكتٸلەردٸڭ سٶزٸنشە, ولار بەلگٸسٸز ادامنان ينتەرنەت ارقىلى تاپسىرىس العان.
ال 19 قاڭتاردا ەلدەكٸمدەر جۋرناليست ۆاديم بورەيكونىڭ ٷيٸنٸڭ ەسٸگٸنە مونتاج كٶبٸگٸن جاعىپ كەتكەن. بورەيكو بۇزاقىلار ٶرت قويعىسى كەلگەن بولۋى مٷمكٸن ەكەنٸن دە ايتادى.
