Foto: Aqordanyń baspasóz qyzmeti
Prezident Qasym-Jomart Toqaev Joǵarǵy Sot tóraǵasy Aslambek Merǵalievti qabyldady, - dep habarlaidy "Ult aqparat" Aqorda saityna silteme jasap.
Memleket basshysyna ótken jartyjyldyqta sot júiesiniń atqarǵan jumysynyń qorytyndylary týraly málimet berildi.
Aslambek Merǵaliev qylmystyq protsestegi taraptardyń jaryspalylyǵy men teń quqylyǵy qaǵidatyn júzege asyrýǵa, qamaýǵa alýdyń balamaly joly retinde bultartpaý sharalaryn qoldaný aiasyn keńeitýge, sot isin júrgizýdi biýrokratiiadan aryltýǵa, birizdendirýge jáne onyń ashyqtyǵyn qamtamasyz etýge baǵyttalǵan zańnamalyq bastamalar týraly aitty.
Sonymen qatar Prezidentke iývenaldy sottardyń quzyretin keńeitý jáne sot aktisiniń kúshi joiylǵan kezde isti birinshi satydaǵy sotqa qaitarmai, apelliatsiianyń tiisti sheshim qabyldaýy týraly protsessýaldyq normalardy durys qoldaný jóninde baiandaldy. Bul jańa normalar qaǵazbastylyqty, sýdianyń qatelik jiberý jaǵdailaryn azaityp, azamattardyń buzylǵan quqyǵyn tez arada qalpyna keltirýge oń septigin tigizýge tiis.
Memleket basshysy adam quqyqtarynyń sotta qorǵalýyn qamtamasyz etý qajettigine jáne ádil sot júiesine senimdi arttyratyn negizgi faktor retinde sottardyń táýelsizdigine airyqsha nazar aýdardy.
