Foto: Akorda.kz
Prezident Joǵarǵy Sot tóraǵasy Aslambek Merǵalievti qabyldady, - dep habarlaidy "Ult aqparat" Aqordaǵa silteme jasap.
Memleket basshysyna sot júiesiniń qazirgi qyzmeti jóninde málimet berildi.
Aslambek Merǵaliev Prezidenttiń derbes kassatsiialyq instantsiia qurý úshin konsýltatsiialar ótkizý týraly tapsyrmasynyń oryndalý barysy týraly baiandady. Zańgerlermen, ǵalymdarmen, biznes-qoǵamdastyq ókilderimen jáne Parlament palatalarynyń depýtattarymen birlese talqylaý jumystary júrgizilip, sonyń negizinde elordada (qylmystyq, azamattyq jáne ákimshilik ister boiynsha) úsh kassatsiialyq sot qurý modeline oń baǵa berildi.
Joǵarǵy Sot aldyn ala qaraý institýtyn joiýdy, «tolyq kassatsiiany» qoldanýdy, qaralýy 6 aidan aspaityn «aqylǵa qonymdy merzim» belgileýdi, sondai-aq taraptardyń mindetti túrde qatysýymen sot protsesin júrgizýdi usynady. Óz kezeginde, joǵary sot organy qadaǵalaý isine jáne sot praktikasynyń biryńǵai bolýyn qamtamasyz etýge basa mán beredi.
Sonymen qatar Qasym-Jomart Toqaevqa ákimshilik ádilettiń jumysy men halyqaralyq yntymaqtastyqty damytý máselesi jóninde aityldy. Joǵarǵy Sot tóraǵasy tsifrlandyrý jáne sot qyzmetiniń ashyqtyǵy men sot tóreliginiń qoljetimdi bolýyn jaqsartý maqsatynda jasandy intellekt elementterin engizý jaiynda aitty.
Memleket basshysy sot júiesinde júrgizilip jatqan reformalardyń sapasyna jáne barlyq satydaǵy isterdi qaraý kezinde zańdylyqty qamtamasyz etýge erekshe nazar aýdardy.
