Foto: Akorda.kz
Prezident Qasym-Jomart Toqaev "El ekonomikasyna investitsiialar tartý jónindegi jumystyń tiimdiligin arttyrý jónindegi sharalar týraly" Jarlyqqa qol qoidy, - dep habarlaidy "Ult aqparat" Aqordaǵa silteme jasap.
«Qazaqstan Respýblikasy Konstitýtsiiasynyń 44-babynyń 21) tarmaqshasyna sáikes otandyq jáne sheteldik investorlar iske asyratyn investitsiialyq jobalardy tiimdi jáne pármendi túrde qoldaý jónindegi qyzmetti úilestirý men baqylaý deńgeiin arttyrý esebinen olardy iske asyrý arqyly ekonomikalyq ósýdiń joǵary qarqynyn jáne ulttyq ekonomikany naqty ártaraptandyrýdy qamtamasyz etý maqsatynda QAÝLY ETEMIN:
1. Investitsiialardy tartý jónindegi keńestiń (Investitsiialyq shtabtyń) mynadai:
1) ortalyq jáne jergilikti memlekettik organdardyń, sondai-aq kvazimemlekettik sektor sýbektileriniń oryndaýy úshin mindetti sheshimder qabyldaý;
2) Qazaqstan Respýblikasy Konstitýtsiiasynyń 61-babyna sáikes Qazaqstan Respýblikasynyń Úkimeti qabyldaityn zań kúshi bar ýaqytsha normativtik quqyqtyq aktilerdi ázirleý;
3) Qazaqstan Respýblikasynyń Prezidentine jáne Qazaqstan Respýblikasynyń Premer-Ministrine Investitsiialyq shtabtyń sheshimderin oryndamaǵany nemese tiisinshe oryndamaǵany úshin ortalyq jáne jergilikti memlekettik organdardyń, sondai-aq kvazimemlekettik sektor sýbektileriniń basshylaryn tártiptik jaýaptylyqqa tartý, onyń ishinde atqaratyn laýazymynan bosatý jóninde usynystar engizý ókilettikteri aiqyndalsyn.
2. Mynalardyń:
1) Investitsiialyq shtab tóraǵasy men músheleriniń Qazaqstan Respýblikasynyń Prezidentine toqsanyna keminde bir ret júrgizilgen jumys týraly esep usyna otyryp, investitsiialyq ahýaldy jaqsartý, sondai-aq investitsiialyq jobalardy ýaqtyly iske asyrý úshin;
2) ortalyq jáne jergilikti memlekettik organdar, sondai-aq kvazimemlekettik sektor sýbektileri basshylarynyń Investitsiialyq shtab sheshimderin oryndamaý nemese tiisinshe oryndamaý úshin derbes jaýapkershiligi belgilensin.
3. Qazaqstan Respýblikasynyń Úkimeti osy Jarlyqtan týyndaityn sharalardy shuǵyl tártippen qabyldasyn.
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
5. Osy Jarlyq qol qoiylǵan kúninen bastap qoldanysqa engiziledi», — delingen Jarlyq mátininde.
