Foto: Akorda.kz
Prezident Qasym-Jomart Toqaev tanymal jýrnalist Nurmuhamed Baiǵaraevty óziniń baspasóz hatshysy etip taǵaiyndady, dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń ókimimen Nurmuhamed Ismanuly Baiǵaraev Qazaqstan Respýblikasy Prezidentiniń Baspasóz hatshysy laýazymyna taǵaiyndaldy", - delingen habarlamada.
Nurmuhamed Baiǵaraev 2017 jyly "Bolashaq" baǵdarlamasy boiynsha Ulybritaniiada bilim alǵan.
Birqatar baspasóz basylymy men elektrondy BAQ-ta jumys istegen. "Aiqyn" gazetiniń bas redaktory, "Egemen Qazaqstan" basylymynda bas redaktordyń orynbasary qyzmetin atqarǵan. Ár jyldary "Habar", "Qazaqstan" telearnalarynda prodiýser, stsenarist jáne júrgizýshi retinde eńbek etti.
Osy taǵaiyndaýǵa deiin Toqaevtyń baspasóz hatshysynyń orynbasary bolǵan.
Buǵan deiin Prezidenttiń Baspasóz hatshysy qyzmetin Rýslan Jeldibai atqarǵan edi. Jýyrda ol Toqaevtyń Ishki saiasat máseleleri jáne kommýnikatsiialar jónindegi kómekshisi qyzmetine taǵaiyndaldy.
