Memleket basshysy Jambyl oblysyndaǵy jarylystyń saldaryn joiýǵa atsalysqan qutqarýshylarǵa, dárigerlerge, politsiia, prokýratýra jáne ákimdik qyzmetkerlerine alǵys aitty, dep habarlaidy QazAqparat.
«Memlekettik ýákiletti organdar qaza tapqan azamattardyń otbasylaryna kómek kórsetýdiń barlyq sharalaryn qabyldaýy qajet. Jumyldyrylǵan barlyq sala mamandarynyń jankeshtiliginiń arqasynda jaǵdai baqylaýǵa alynyp, odan da kóp shyǵynǵa jol berilmedi. Qutqarýshylarǵa, dárigerlerge, politsiia, prokýratýra jáne ákimdik qyzmetkerlerine alǵys aitamyn. Degenmen órttiń saldary qiynǵa soqty. Adamdar zardap shekti. Kóptegen azamat baspanasyn tastap ketýge májbúr boldy. Eldi mekenderdiń infraqurylymyna zaqym kelip, birqatar ǵimarattar qirap qaldy. Osyǵan bailanysty shuǵyl sharalar qabyldandy. Biraq áli de kóp qalpyna keltirý jumystaryn júrgizý kerek, - dedi Qasym-Jomart Toqaev tótenshe oqiǵa boiynsha ótken shuǵyl jinalysta.
Sondai-aq, Prezident Bas Prokýratýra men Ishki ister ministrligine Jambyl oblysyndaǵy oqys oqiǵanyń mán-jaiyn jáne kinálilerdi anyqtaý úshin sotqa deiingi tergeý amaldaryn muqiiat júrgizýdi tapsyrdy.
