QR Prezidenti Qasym-Jomart Toqaev Syrtqy ister ministrliginiń keńeitilgen alqa májilisinde iadrolyq qarýsyzdanýǵa arnalǵan álemdik forým ázirleýdy tapsyrdy, dep habarlaidy QazAqparat.
«Shegendelgen shekara - Qazaqstannyń aýmaqtyq tustastyǵynyń kepili. Sondai-aq strategiialyq seriktesterimiz – Resei, Qytai jáne Ortalyq Aziia elderimen dostyq qatynasymyzdyń myzǵymas negizi. Qazaqstan AQSh-pen jáne Eýropa Odaǵy elderimen strategiialyq bailanys ornatty. Bul memleketter – bizdiń investitsiia jáne saýda salasyndaǵy áriptesterimiz. Biz kópjaqty sarabdal diplomatiiany berik ustanyp kelemiz. Biyl Semei poligonynyń jabylǵanyna 30 jyl. Qazaqstan óz erkimen iadrolyq qarý-jaraqtan bas tartty. Bul sheshýshi qadam Qazaqstannyń álemdik qaýymdastyqtaǵy bedeliniń artýyna zor úles qosty» - dedi Prezident.
Memleket basshysy Qazaqstan jahandyq iadrolyq qarýǵa qarsy qozǵalys kóshbasshylarynyń qataryna qosylǵanyn da aitty.
«Elbasy usynysy boiynsha iadrolyq qarýsyzdanýǵa arnalǵan álemdik forýmdy ázirleý qajet. Kelesi jyly Aziiadaǵy ózara is-qimyl jáne senim sharalary jónindegi keńeske jáne senim sharalary jónindegi keńeske 30 jyl tolady. Osyǵan orai elordamyzda osy fýorýmnyń altynshy sammiti ótedi. Bul jiyndy uiymdastyrý úshin Syrtqy ister ministrligi aýqymdy jumys atqarýy kerek. Biz bul keńesti birtindep qurlyqtaǵy qaýipsizdik jáne damý uiymyna ainaldyrýdy kózdeimiz», - dep atap ótti Qasym-Jomart Toqaev.
