Vaktsina saldyrýdan bas tartatyn qazaqstandyqtardy eshkim májbúrlemeidi. Bul týraly Prezident Qasym-Jomart Toqaev málimdedi, dep habarlaidy "Ult aqparat".
Prezident vaktsina saldyrǵysy kelmeitin adamdarmen jumys isteýde saralanǵan ádisti qoldaný qajet ekenin aitty.
"Vaktsina alǵysy kelmeitin adamdarmen jumys isteýde ártúrli tásildi qoldaný qajet. Bul top birkelki emes. Vaktsinadan bas tartýdyń sebepteri de ártúrli. Mundai adamdar arasynda sheshim qabyldai almai júrgender kóp", - dedi Toqaev koronavirýs indetine bailanysty epidemiologiialyq ahýal jóninde keńeste.
Memleket basshysy barlyq quraldarmen, onyń ishinde áleýmettik jeliler arqyly olardy sendirýdi, kózin jetkizýdi tapsyrdy.
«Batystyń keibir damyǵan elderi sendirý ádisterinen májbúrleý sharalaryna aýysýda. Iri eńbek ujymdarynyń qyzmetimen bailanysty erekshe jaǵdailardy qospaǵanda, biz mundai qadamǵa barmaimyz. Óitkeni «qyńyr» antivakserlerdiń shaǵyn toby kesirinen óz eńbegimen otbasylarynyń ál-aýqatyn qamtamasyz etip júrgen azamattarymyzdyń densaýlyǵyna qaýip tóndire almaimyz», - dedi Prezident.
