Qasym-Jomart Toqaev Ýrsýla fon der Liaienge quttyqtaý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Eýropalyq Komissiianyń sailanǵan Prezidenti Ýrsýla fon der Liaiendi týǵan kúnimen quttyqtap, jedelhat joldady.
Jedelhatta Eýropalyq Odaq Ýrsýla fon der Liaienniń basshylyǵymen óziniń irgetasyn nyǵaityp, halyqtyń ál-aýqatyn arttyryp, halyqaralyq arenadaǵy mereiin arttyrý jolynda biik belesterdi baǵyndyryp, igi maqsat-murattarǵa jete berýine tilektestigin bildirgen.
«Qazirgi tańda óńirdiń turaqty ilgerileýi men órkendeýi úshin Keńeitilgen seriktestik pen yntymaqtastyq týraly kelisim jáne EO-nyń Ortalyq Aziia boiynsha jańa strategiiasy neǵurlym berik bailanystardyń jańa dáýirine jol ashýda. Aldaǵy jyldary Qazaqstan men Eýropalyq Odaq arasynda dostyq negizinde qalyptasqan jemisti qatynastardyń odan ári dami túsetinine kámil senemin», – dep jazdy Qazaqstan Prezidenti.
Qasym-Jomart Toqaev Eýrokomissiianyń sailanǵan Prezidentine mol tabys pen sáttilik tiledi.
