Foto: Akorda.kz
Qazaqstan Prezidenti Ulybritaniianyń memlekettik ministri Nýsrat Ganidi qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Prezident Qasym-Jomart Toqaev Ulybritaniianyń biznes jáne saýda isteri jónindegi memlekettik ministri Nýsrat Ganige iltipat bildire otyryp, Ulybritaniia Qazaqstannyń negizgi saýda seriktesiniń biri jáne el ekonomikasyna investitsiia salý kórsetkishi boiynsha jetinshi investor ekenin atap ótti.
Búginde Qazaqstanda 550-den astam britandyq kásiporyn jumys istep jatyr, olardyń arasynda Shell jáne Ernst & Young siiaqty jetekshi kompaniialar bar.
Memleket basshysynyń aitýynsha, Qazaqstan men Ulybritaniia arasyndaǵy taýar ainalymy byltyr 60 paiyzǵa artyp, 1,8 milliard dollardy qurady.
– Biz Londonmen saýda jáne investitsiia salalaryndaǵy bailanystarymyzdy keńeitýge múddelimiz. Britandyq taraptyń da Qazaqstanmen jan-jaqty yntymaqtastyqty damytýǵa niet tanytyp otyrǵanyn erekshe atap ótkim keledi, – dedi Prezident.
Óz kezeginde Nýsrat Gani qurmet kórsetkeni úshin Qasym-Jomart Toqaevqa jáne Qazaqstan halqyna rizashylyǵyn bildirip, Ulybritaniia tarapy ekijaqty bailanystardy damytýǵa basa mán beretinin atap ótti.
