Qasym-Jomart Toqaev Qazaqstan Respýblikasy Prezidentiniń janyndaǵy Ulttyq qoǵamdyq senim keńesiniń erejesin jáne quramyn bekitý týraly jarlyqqa qol qoidy, dep habarlaidy "Ult aqparat" Aqordaǵa silteme jasap.
"Qazaqstan Respýblikasy Konstitýtsiiasynyń 44-baby 20) tarmaqshasyna sáikes QAÝLY ETEMIN: 1) Qazaqstan Respýblikasy Prezidentiniń janyndaǵy Ulttyq qoǵamdyq senim keńesi týraly ereje; 2) Qazaqstan Respýblikasy Prezidentiniń janyndaǵy Ulttyq qoǵamdyq senim keńesiniń quramy bekitilsin. 2. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin. 3. Osy Jarlyq qol qoiylǵan kúninen bastap qoldanysqa engiziledi" delingen Memleket basshysy jarlyǵynda.
Qazaqstan Respýblikasy Prezidentiniń janyndaǵy
Ulttyq qoǵamdyq senim keńesi týraly
EREJE
1. Jalpy erejeler
1. Qazaqstan Respýblikasy Prezidentiniń janyndaǵy Ulttyq qoǵamdyq senim keńesi (budan ári – Ulttyq keńes) Qazaqstan Respýblikasynyń Prezidenti janyndaǵy konsýltativtik-keńesshi organ bolyp tabylady.
2. Ulttyq keńes qyzmetiniń negizgi maqsaty jurtshylyqtyń, saiasi partiialardyń, azamattyq qoǵamnyń ókilderimen keńinen talqylaý negizinde memlekettik saiasattyń ózekti máseleleri boiynsha usynystar men usynymdar tujyrymdaý bolyp tabylady.
3. Ulttyq keńes óz qyzmetinde Qazaqstan Respýblikasynyń Konstitýtsiiasyn, zańdaryn, Qazaqstan Respýblikasy Prezidentiniń aktilerin, ózge de normativtik quqyqtyq aktilerdi, sondai-aq osy erejeni basshylyqqa alady.
2. Ulttyq keńestiń negizgi mindetteri
4. Ulttyq keńestiń negizgi mindetteri:
tujyrymdamalardyń, memlekettik baǵdarlamalardyń jáne normativtik quqyqtyq aktilerdiń jobalaryna qoǵamdyq saraptama júrgizý;
jurtshylyqtyń jáne azamattyq qoǵamnyń pikirin eskere otyryp mańyzdy strategiialyq problemalardy qaraý;
jurtshylyqtyń, saiasi partiialardyń, úkimettik emes sektordyń jáne memlekettik organdardyń ókilderi arasynda syndarly dialogty qamtamasyz etý;
óziniń quzyreti sheginde Qazaqstan Respýblikasynyń zańnamasyna qaishy kelmeitin ózge de qyzmetti júzege asyrý bolyp tabylady.
3. Ulttyq keńestiń quramy
5. Ulttyq keńes onyń tóraǵasynan, orynbasarynan, múshelerinen jáne hatshydan turady.
6. Ulttyq keńestiń tóraǵasy (budan ári – Tóraǵa) Qazaqstan Respýblikasynyń Prezidenti bolyp tabylady.
7. Tóraǵa:
Ulttyq keńestiń qyzmetine jalpy basshylyq jasaidy;
Ulttyq keńestiń otyrystaryn ótkizý orny men ýaqytyn aiqyndaidy;
Ulttyq keńes tóraǵasynyń orynbasaryna, múshelerine jáne hatshysyna tapsyrma beredi.
8. Ulttyq keńestiń quramy belgili memleket jáne qoǵam qairatkerleriniń, saiasi partiialar, úkimettik emes sektor ókilderiniń qatarynan qalyptastyrylady.
Qazaqstan Respýblikasy Prezidenti Ákimshiliginiń Basshysy, Qazaqstan Respýblikasyndaǵy Adam quqyqtary jónindegi ýákil, Qazaqstan Respýblikasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáikes Ulttyq keńestiń quramyna kiredi.
Tóraǵanyń sheshimi boiynsha Ulttyq keńeske respýblikalyq jáne jergilikti deńgeidegi qoǵamdyq keńesterdiń ókilderi, sondai-aq ózge de adamdar engizilýi múmkin.
9. Ulttyq keńestiń sheshimderimen qoǵam damýynyń jekelegen salalary boiynsha jumys toptary qurylýy múmkin.
Jumys toptary Ulttyq keńestiń quramynan qurylady.
10. Ulttyq keńestiń músheleri:
Ulttyq keńestiń jumys jospary, onyń otyrystarynyń kún tártibi men máselelerdi talqylaý tártibi boiynsha usynystar engizýge;
Ulttyq keńestiń otyrystaryna materialdardy, onyń sheshimderiniń jobalaryn daiyndaýǵa qatysýǵa;
Ulttyq keńestiń otyrysynda qaralatyn máselelerdi qoǵamda talqylaýǵa jáne túsindirýge qatysýǵa quqyly.
Ulttyq keńestiń músheleri ózderiniń ókilettikterin basqa adamdarǵa berýge quqyǵy joq.
Ulttyq keńestiń múshelerinde Memleket basshysy qol qoiǵan, Qazaqstan Respýblikasy Prezidentiniń janyndaǵy Ulttyq qoǵamdyq senim keńesi múshesiniń kýáligi bolady.
11. Ulttyq keńestiń hatshysy:
Ulttyq keńestiń jumys jospary jobasynyń ázirlenýin qamtamasyz etedi;
onyń otyrystarynyń kún tártibi jobasyn jasaidy;
Ulttyq keńes otyrystary materialdarynyń, sondai-aq hattamalyq sheshimder jobalarynyń daiyndalýyn uiymdastyrady;
Ulttyq keńes múshelerine Ulttyq keńestiń kezekti otyrysynyń ótetin orny, ýaqyty jáne kún tártibi týraly habarlaidy, olardy qajetti materialdarmen ýaqtyly qamtamasyz etedi;
jekelegen jumys túrlerin júzege asyrý úshin sarapshylardy, ǵalymdardy jáne mamandardy belgilengen tártipte tartady;
óńirlerde kóshpeli konsýltativtik keńester ótkizedi;
Tóraǵanyń tapsyrmalary boiynsha ózge ókilettikterdi júzege asyrady.
4. Ulttyq keńestiń qyzmetin uiymdastyrý
12. Ulttyq keńestiń otyrystary qajettigine qarai ótkiziledi, biraq jylyna úsh retten jii ótkizilmeidi.
Ulttyq keńestiń otyrystary jalpy plenarlyq jáne taqyryptyq bolyp bólinedi.
Ulttyq keńestiń otyrysynda músheleriniń jalpy sanynyń keminde jartysy qatyssa, onyń quqyqtyq kúshi bar dep esepteledi.
13. Ulttyq keńestiń sheshimderi onyń otyrysyna qatysyp otyrǵan músheleriniń daýys berýi arqyly jalpy sanynyń kópshilik daýsymen qabyldanady.
Otyrysqa qatysýshylardyń daýystary teń bolǵan jaǵdaida Tóraǵanyń daýysy sheshýshi bolyp tabylady.
Tóraǵa jekelegen máseleler boiynsha sheshimder qabyldaýdyń ózge tártibin óziniń qalaýynsha belgileýge quqyly.
14. Ulttyq keńestiń sheshimderi Tóraǵa qol qoiatyn hattamamen resimdeledi.
15. Ulttyq keńestiń usynymdaryn alǵan memlekettik organdar, sondai-aq qoǵamdyq birlestikter olardy qaraidy jáne qabyldanǵan sheshimder týraly Ulttyq keńeske Qazaqstan Respýblikasynyń zańnamasynda belgilengen tártipte habarlaidy.
16. Ulttyq keńeste talqylanatyn memlekettik saiasattyń ózekti máseleleri men Ulttyq keńestiń otyrystarynda qabyldanǵan sheshimder jurtshylyqtyń nazaryna buqaralyq aqparat quraldary arqyly jetkiziledi, sondai-aq Internet jelisinde ornalastyrylady.
17. Ulttyq keńestiń otyrystaryna Tóraǵanyń sheshimi boiynsha Ulttyq keńestiń músheleri bolyp tabylmaityn laýazymdy adamdar, sondai-aq qoǵamdyq uiymdardyń, buqaralyq aqparat quraldarynyń ókilderi shaqyrylýy múmkin.
5. Ulttyq keńestiń qyzmetin qamtamasyz etý
18. Ulttyq keńestiń jumys organy Qazaqstan Respýblikasy Prezidenti Ákimshiliginiń tiisti qurylymdyq bólimshesi bolyp tabylady.
19. Ulttyq keńestiń jumys organy:
Ulttyq keńes qyzmetin aqparattyq-taldamalyq qamtamasyz etýdi júzege asyrady;
júktelgen mindetterdi oryndaýǵa qajetti aqparatty, qujattar men materialdardy memlekettik organdar men uiymdardan suratady jáne alady;
jumys toptarynyń qyzmetin úilestirýdi júzege asyrady;
Ulttyq keńes qabyldaǵan sheshimderdiń oryndalý barysyna baqylaýdy júzege asyrady;
Ulttyq keńestiń qyzmetin qamtamasyz etý úshin qajetti ózge ókilettikterdi júzege asyrady.
Ulttyq qoǵamdyq senim keńesiniń
Qazaqstan Respýblikasy Prezidentiniń janyndaǵy
QURAMY
|
Toqaev |
– |
Qazaqstan Respýblikasynyń Prezidenti, tóraǵa |
|
Kósherbaev |
– |
Qazaqstan Respýblikasy Prezidenti Ákimshiliginiń Basshysy, tóraǵa orynbasary |
|
Qarin |
– |
Qazaqstan Respýblikasy Prezidentiniń keńesshisi, hatshy |
|
Ulttyq keńestiń músheleri: |
||
|
Arystanbekov |
– |
Ekonomikalyq saiasat institýtynyń prezidenti (kelisim boiynsha) |
|
Ahmetbekov |
– |
Qazaqstan Respýblikasy Parlamenti Májilisiniń depýtaty (kelisim boiynsha) |
|
Ábdiǵaliuly |
– |
Qazaqstan Respýblikasy Ulttyq arhiviniń «Arhiv-2025» ǵylymi-ádistemelik ortalyǵynyń basshysy (kelisim boiynsha) |
|
Ábenov |
– |
qoǵam qairatkeri, «Serpin» Ulttyq bilim berý jáne innovatsiia palatasynyń tóraǵasy (kelisim boiynsha) |
|
Ámirtaev |
– |
«Baitaq bolashaq» ekologiialyq aliansy» respýblikalyq qoǵamdyq birlestiginiń prezidenti (kelisim boiynsha) |
|
Áshimbaev |
– |
qoǵam qairatkeri, saiasattanýshy (kelisim boiynsha) |
|
Baitasov |
– |
Qazaqstan Mediaodaǵynyń teń quryltaishysy (kelisim boiynsha) |
|
Buqarbai |
– |
qoǵam qairatkeri, «Men oiandym» aktsiiasynyń qatysýshysy (kelisim boiynsha) |
|
Dorofeev |
– |
jýrnalist, «Informburo.kz» mýltimediialyq aqparattyq-taldaý portalynyń bas redaktory (kelisim boiynsha) |
|
Espaeva |
– |
Qazaqstan Respýblikasy Parlamenti Májilisiniń depýtaty (kelisim boiynsha) |
|
Jandosov |
– |
«Rakýrs» ekonomikalyq taldaý ortalyǵynyń direktory (kelisim boiynsha) |
|
Joldybaiuly |
– |
qoǵam qairatkeri, dintanýshy (kelisim boiynsha) |
|
Jumaly |
– |
qoǵam qairatkeri, saiasattanýshy (kelisim boiynsha) |
|
Ileýova |
– |
áleýmettanýshy, «Strategiia» áleýmettik jáne saiasi zertteýler ortalyǵy» qoǵamdyq qorynyń basshysy (kelisim boiynsha) |
|
Isa |
– |
qoǵam qairatkeri, «Qazaq úni» jaýapkershiligi shekteýli seriktestiginiń prezidenti (kelisim boiynsha) |
|
Kenjehanuly |
– |
«Ulttyq aýdarma biýrosy» qoǵamdyq qorynyń atqarýshy direktory (kelisim boiynsha) |
|
Qaliev |
– |
«Jastar» ǵylymi-zertteý ortalyǵynyń direktory (kelisim boiynsha) |
|
Qojahmetov |
– |
«Qazaqstannyń Azamattyq aliansy» zańdy tulǵalar birlestiginiń prezidenti (kelisim boiynsha) |
|
Qojyq |
– |
qoǵam qairatkeri (kelisim boiynsha) |
|
Qýat |
– |
jýrnalist, «Qazaq ádebieti» gazetiniń bas redaktory (kelisim boiynsha) |
|
Quttyqadam |
– |
qoǵam qairatkeri (kelisim boiynsha) |
|
Mýsin |
– |
kásipker, IT-maman (kelisim boiynsha) |
|
Muqibek |
– |
qoǵam qairatkeri, «Nur Otan» partiiasy respýblikalyq qoǵamdyq qabyldaý bólmesiniń konsýltanty (kelisim boiynsha) |
|
Myrzahmetov |
– |
«Atameken» Qazaqstan Respýblikasy Ulttyq kásipkerler palatasynyń basqarma tóraǵasy (kelisim boiynsha) |
|
Nurbek |
– |
saiasattanýshy, «BTS Digital» bilim berý jobalarynyń basshysy (kelisim boiynsha) |
|
Nurov |
– |
Almaty joǵary basqarý mektebiniń jáne «Aspandaý» ǵylymi-bilim berý qorynyń prezidenti (kelisim boiynsha) |
|
Omarova |
– |
advokat, «Quqyq qorǵaýshylar» qoǵamdyq qorynyń teń quryltaishysy (kelisim boiynsha) |
|
Orynbek |
– |
quqyq qorǵaýshy qairatker (kelisim boiynsha) |
|
Oshaqbaev |
– |
«Talap» qoldanbaly zertteýler ortalyǵynyń direktory, «Nur Otan» partiiasy Saiasi keńesiniń múshesi (kelisim boiynsha) |
|
Raqymbekov |
– |
«Ulttyq agrarlyq ǵylymi-bilim berý ortalyǵy» kommertsiialyq emes aktsionerlik qoǵamynyń basqarma tóraǵasy (kelisim boiynsha) |
|
Sadyrbai Sairov |
– – |
«Team Qazaqstan» jastar qozǵalysynyń jetekshisi (kelisim boiynsha) Qazaqstan Respýblikasy kásipodaqtar federatsiiasy tóraǵasynyń orynbasary (kelisim boiynsha) |
|
Sarym Spotkai |
– – |
qoǵam qairatkeri, saiasattanýshy (kelisim boiynsha) Qazaqstan halqy Assambleiasynyń múshesi, «Jańǵyrý joly» respýblikalyq jastar qozǵalysynyń jetekshisi (kelisim boiynsha) |
|
Taijan |
– |
qoǵam qairatkeri, ekonomika ǵylymdarynyń kandidaty (kelisim boiynsha) |
|
Turmaǵambetova |
– |
«Adam quqyqtary hartiiasy» qoǵamdyq qorynyń atqarýshy direktory (kelisim boiynsha) |
|
Tursynov |
– |
Qazaqstan kinomatografister odaǵynyń tóraǵasy, rejisser (kelisim boiynsha) |
|
Tileýhan |
– |
Qazaqstan Respýblikasy Parlamenti Májilisiniń depýtaty, qoǵam qairatkeri (kelisim boiynsha) |
|
Chebotarev |
– |
«Alternativa» ózekti zertteýler ortalyǵynyń direktory (kelisim boiynsha) |
|
Shibutov |
– |
«Transparensi Kazahstan» qoǵamdyq qory Qamqorshylar keńesiniń tóraǵasy (kelisim boiynsha) |
|
Shoraev |
– |
«Qazaqstan barysy» damý qory Qamqorshylar keńesiniń tóraǵasy (kelisim boiynsha) |
